Гатыгкоты Сардионы фырт Петр

Хуссар Ирыстоны Автономон областы прокурор
10.07.1978 — 15.04.1988

Гатыгкоты Петры тыххæй ныфсджынæй гæнæн ис зæгъын, кæй у фыдыбæстæйон юриспруденцийы нымад Мэтр, Ирыстоны æнувыд фырт, патриот æмæ æмбæстаг. Райгуырд Цæгат Ирыстоны Дзæуджыхъæуы 1928 азы æртхъирæны мæйы 2 бон. 1946 азы каст фæцис нæлгоймæгты астæуккаг скъолайы 9 кълас. Дарддæр ахуыр кæнынмæ бацыд Хӕххон-металлургон техникумы маркшейдеры хайадмæ. 1947 азы йæм æрсидтысты Советон æфсадмæ. 1948 азы каст фæци Шадрины æфсæддон-авиационтехникон скъола сержанты цины. Йæ службæ адарддæр кодта Азербайджаны ССР сахар Салянийы 40-æм гвардион куынӕггӕнӕг авиацион полчъы авиацион механичы бынаты. 1952 азы каст фæци Батайы Æфсæддон-авиацион училище лейтенанты цины, 1953 азы июнæ мæйы та – Грозненскы тæхджыты уæлдæр офицерон скъола æмæ йæ арвыстой Актюбины тæхджыты райдиан ахуыры скъоламæ тæхæг-инструкторæй.

1954 азы, йæ хæстæ æххæстгæнгæйæ фæцæф ис. Цӕстӕй хайгай кӕй фӕхъуыд, уый фӕстиуӕгӕн нымад ӕрцыд тӕхыны куыстӕн нал бӕззоныл ӕмӕ йӕ Советон Ӕфсады рӕнхъытӕй суӕгъд кодтой йе 'нӕниздзинадмӕ гӕсгӕ. Куыста Орджоникидзейы 1-ӕм ӕмӕ 50-ӕм астӕуккаг скъолаты хистӕркъласонты физкультурӕ, хӕстон хъуыддаг ӕмӕ æрсидыны агъоммæ цӕттӕдзинады ахуыргӕнӕгӕй.

1957 азы бацыд ахуыр кæнынмæ Саратовы юридикон институтмæ. 1961 азы, йæ ахуыр куы фæцис, уæд йæ архайд райдыдта Хуссар Ирыстоны автономон областы прокуратурæйы органты. 1963 азæй – Цхинвалы прокурор. 1965 азæй – Цхинвалы горæты юридикон консультацийы адвокат. 1965-1968 азты – Хуссар Ирыстоны областы тæрхондоны уæнг. 1968-1975 азты æххæст кодта областы тæрхондоны сæрдары хæстæ. 1978 азы августы мæйæ 1988 азмæ куыста Хуссар Ирыстоны автономон областы прокурорæй. 1992 азæй – Республикæ Хуссар Ирыстоны прокуроры хистæр æххуысгæнæгæй закъонӕвӕрынады систематизаци, барадон пропагандӕ, статистикон хыгъд ӕмӕ ӕххӕст кӕныны контроль фадыджы, 1992-1994 азты – Республикæ Хуссар Ирыстоны прокуроры хæдивæг. 1994 азы – Республикæ Хуссар Ирыстоны юстицийы министр. 1995 азæй 1996 азмæ – республикæйы Æфсæддон прокурор.

1963-1965 азты æвзæрст æрцыд Цхинвалы горкомы партийы уæнгæй æмæ Цхинвалы горæты Цæдисы депутатæй, афтæ ма уыд Фӕллойгӕнджыты депутатты Хуссар Ирыстоны облӕстон Цæдисы депутатӕй 1982-1990 азты. 1978-1988 азты – Хуссар Ирыстоны КПСС обкомы уæнг. Гуырдзиаг агрессийы рæстæджы Сардионы фырт Петр уыд сахар Цхинвалы хуссайраг секторы хи бахъахъхъæныны къорды. Цалдæр хатт ацыд Уырысмæ Хуссар Ирыстоны делегацийы сконды, цы ран хицауады æмæ Уæлдæр Советы къухдариуæггæнджытимæ фембæлдты рæстæджы хъахъхъæдта Хуссар Ирыстоны адæмы цымыдистæ. Ӕппӕт фембӕлдтыты ӕмӕ мыхуыры мыхуыргӕндты дӕр Гатыгкоты Петр хъахъхъӕдта суверенон республикӕйы саразыны бындурондзинад ӕмӕ ахста принципиалон позици Ирыстоны баиу кæнынæн историон ӕнӕрцӕугӕ кӕй нӕй, уый тыххӕй. Гатыгкоты Петр уыд зындгонд публицист республикæйы, дунейы массон информацион фæрæзты раз æдзух ныхас кодта канд барадон органты архайды фарстытыл нæ, фæлæ барады иумæйаг фарстытыл дæр.

Йæ архайдимæ ист æрцыдысты нæ паддзахады бирæ закъæттæ, кæцытæ бындур æрывæрдтой хуссарирыстойнаг паддзахаддзинадæн. Гатыгкоты Петр 1996 азы æвзарæн кампанийы уыд Республикæ Хуссар Ирыстоны Сæргълæууæджы бынатмæ кандидат.

2000 азы йæ куыст адарддæр кодта Тыбылты Алыксандыры номыл Хуссар Ирыстоны паддзахадон университеты ахуыргæнæгæй, æмæ дзы фæкуыста 14 азæй фылдæр. Ацы ирд æмæ ӕвӕджиауы гоймагæн Ирыстоны æмæ æндæр рæтты юристтæ хæсджын сты сӕ равзӕрдӕй. Студенттæ æмæ йæ ахуыргæнджытæ уарзтой йæ зонд, зæрдæбын æмæ ӕвӕджиау дзырдæй пайда кæныны тыххæй. Йæ ахуыргæнинæгтæ йæ мысынц стыр кад æмæ хъармдзинадимæ.

18.10.2015 азы Гатыгкоты Петр Сардионы фырт фæхъуыд; йæ цардæй ахицæн æгас студентты æмæ ахуыргæнджыты фæлтæры зондамонæг. Гатыгкоты Петры ном æнустæм баззайдзæнис, йемæ чи куыста, кæй ахуыр кодта æмæ зонгæ кæимæ уыд, уыдон зæрдæты. Йемӕ ацыд ӕнӕхъӕн дуг, ӕнӕ уымӕй банкъарӕн ӕмӕ бамбарӕн нӕй прокуратурӕйы ӕмӕ барадхъахъхъӕнӕг органты истори ӕмӕ нырыккон уавӕрӕн. 1982 азы 18 февралы СССР Уæлдæр Советы Президиумы бардзырдæй Гатыгкоты Петр Сардионы фыртæн лæвæрд æрцыд юстицийы Паддзахадон уынаффæгæнæджы æртыккаг къласы цин (инæлар-майор). Уыцы аз ын лæвæрд æрцыд ГССР-ы Сгуыхт юрист.

Республикæ Хуссар Ирыстоны Сгуыхт юрист.