Архайды бары бындур

Республикӕ Хуссар Ирыстоны Конституци

VII хай. Республикæ Хуссар Ирыстоны Прокуратурæ

Уац 87

Республикӕ Хуссар Ирыстоны Прокуратурӕ паддзахады номӕй ӕххӕст кӕны сӕйраг цӕстдарӕджы куыст, цӕмӕй закъӕттӕ, Республикӕ Хуссар Ирыстоны Президенты барамындтӕ ӕмӕ ӕндӕр нормативон барадон акттӕ ӕххӕст цӕуой раст ӕмӕ ӕмхуызонӕй Республикӕ Хуссар Ирыстоны ӕппӕт территорийыл.
Республикӕ Хуссар Ирыстоны прокуратурӕйы органтӕ сты иугонд централизацигонд системӕ, дӕлдӕр лӕууӕг прокурортӕ Республикӕ Хуссар Ирыстоны Генералон прокуроры дӕлбар, афтӕмӕй.
Прокуратурӕйы органтӕ сӕ ӕххӕстбартӕ ӕххӕст кӕнынц ӕндӕр паддзахадон органтӕ ӕмӕ бӕрнон цӕсгӕмттӕй хӕдбарӕй.
Республикӕ Хуссар Ирыстоны Генералон прокуроры снысан кӕны ӕмӕ йӕ ссӕрибар кӕнынц йӕ бӕрнадӕй Республикӕ Хуссар Ирыстоны Парламент Республикӕ Хуссар Ирыстоны Президенты ӕрбавдыстмӕ гӕсгӕ.
Республикӕ Хуссар Ирыстоны Генералон прокурор снысан кӕны ӕмӕ ссӕрибар кӕны ӕндӕр прокурорты, сты йӕ дӕлбар ӕмӕ йӕ дӕлхыгъдон.
Республикӕ Хуссар Ирыстоны Генералон прокуроры ӕххӕстбарты ӕмгъуыд у фондз азы.
Республикӕ Хуссар Ирыстоны прокуратурӕйы органты ӕххӕстбартӕ, организаци ӕмӕ архайды фӕтк бӕлвырд цӕуынц закъонӕй.

Æнæхъæнæй

Республикæ Хуссар Ирыстоны Прокуратурæйы тыххæй Республикæ Хуссар Ирыстоны Закъон

1 хай. Иумæйаг уагæвæрдтæ

1 уац. Республикæ Хуссар Ирыстоны Прокуратурæ

Республикæ Хуссар Ирыстоны Конституци куыд хъахъхъæд цæуы æмæ Республикæ Хуссар Ирыстоны территорийыл архайæг закъæттæ куыд æххæст цæуынц, Республикæ Хуссар Ирыстоны номæй уымæ хъусдарæг иугонд централизацигонд органты системæ.
Республикæ Хуссар Ирыстоны Прокуратурæ ма æххæст кæны закъоны æвæрд æндæр функцитæ дæр.
Закъоны бархъомыс, иудзинад æмæ закъонондзинад сифтонг кæнын, адæймаг æмæ æмбæстаджы бартæ æмæ сæрибардзинад, афтæ ма закъоны бар кæуыл цæуы, æхсæнады æмæ паддзахады уыцы интерестæ хъахъхъæныны нысанæн Республикæ Хуссар Ирыстоны Прокуратурæ æххæст кæны:

министрадтæ, паддзахадон комитеттæ, æххæстгæнæг хицауады комитеттæ æмæ æндæр органтæ, бынæттон хæдразамынады органтæ, æфсæддон разамынады органтæ, уыдон бæрнон цæсгæмттæ, коммерцион æмæ æнæкоммерцион организациты разамынады органтæ æмæ къухдариуæггæнджытæ закъон куыд æххæст кæнынц, уымӕ, афтæ ма закъонимæ уыдоны арæзт барадон актты æмразыдзинадмæ хъусдард;
министрадтæ, паддзахадон комитеттæ, æххæстгæнæг хицауады комитеттæ æмæ æндæр органтæ, бынæттон хæдразамынады органтæ, æфсæддон разамынады органтæ, хъусдарæг органтæ, уыдон бæрнон цæсгæмттæ, афтæ ма коммерцион æмæ æнæкоммерцион организациты разамонæг органтæ æмæ къухдариуæггæнджытæ адæймаджы æмæ æмбæстаджы бартæ куыд хъахъхъæнынц, уымæ хъусдард;
оперативон-фæдагурæн архайд, развæлгъау фæдагуырд æмæ фæдагуырды органтæ закъон куыд æххæст кæнынц, уымæ хъусдард;
тæрхондоны пъырыстыфтæ закъон куыд æххæст кæнынц, уымæ хъусдард;
æфхæрд æххæстгæнæг æмæ тæрхондоны снысангонд æнæбархион мадзæлттæ ифтонггæнæг органтӕ æмæ уагдæтты администрацитæ, урæд æрцæуæг æмæ ахæсты уæвджыты дарӕн бынæтты администрацитæ закъон куыд æххæст кæнынц, уымæ хъусдард;
Республикæ Хуссар Ирыстоны территорийыл архайæг уголовонпроцессуалон закъондæттынады æвæрд æххæстбартæм гæсгæ уголовон æфхæрд ӕххӕст кӕнынад;
фыдракæндты ныхмæ тохы фæдыл барадхъахъхъæнæг органты архайд координаци кӕнынад;

Республикæ Хуссар Ирыстоны процессуалон закъондæттынадимæ æмразыйæ прокурортæ хайад исынц тæрхондæттæ, арбитражон тæрхондæтты (дарддæр – тæрхондæттæ) хъуыддæгтæ æвзӕрсты, æнæразыйы уынаффæ хæссынц закъоны ныхмæ чи у, тæрхондæтты ахæм фæндæттæ, тæрхон рахастытæ, снысангæндтæ æмæ уынаффæты фæдыл.
Республикæ Хуссар Ирыстоны Прокуратурæ хайад исы закъонсфæлдыстадон архайды.

Æнæхъæнæй