Гойаты Михаил Григорийы фырт

Хуссар Ирыстоны Автономон областы прокурор
1935 — 1937

Райгуырдис 1902 азы Цхинвалы районы Гойаты хъæуы. Уыд Уæрæсейы коммунистон партийы (РКП(б)) уæнг 1928 азы тæргæйтты мæйæ, райста уæлдæр ахуырад.

Йæ бинонтæ уыдысты мæгуырау, æмæ йæхи тыхтæ, курдиат æмæ сгуыхтыты фæрцы сарæзта карьерæ, 1935-1937 азты слæууыд Хуссар Ирыстоны автономон областы прокуратурæйы сæргъ.

Гуырдзыстоны коммунистон партийæ цухгонд æрцыд кæй йæ æрцахстой, уый тыххæй. Фæдагуырды æрмæджытæм гæсгæ аххосджын уыд, рахизты ӕнӕлегалон организацийы уӕнг кӕй уыд. Тæрхонгонд æрцыд Гуырдзыстоны Советон Социалон Республикæйы Мидхъуыддæгты адæмон комиссариаты цур тройкæйæ 1938 азы тъæнджы мæйы 16 бон уый тыххæй, ома, йæ Централон æвзарæн къамисы раздæры сæргълæууæг Джиджойты И. баххуырста рахизты контрреволюцион организацимæ æмæ зиан хаста Хуссар Ирыстоны Наркомюсты областы прокурор уæвгæйæ. Фехстой йæ 20.01.38 азы. (Бӕрӕггӕнӕнты гуырӕнтӕ: Æхстыты номхыгъд Гуырдзыстонæй). Реабилитацигонд æрцыд ССР цæдисы Сӕйраг тӕрхондоны Ӕфсӕддон коллегийы бӕрӕггӕнӕнӕй; хъуыддаг урӕд ӕрцыд, фыдракӕнды сконд кӕй нӕ уыд, уый тыххӕй.

Гойаты Михаилы хъуыддаджы æмæ Хуссар Ирыстоны автономон областы Областон тæрхондоны Президиумы Уынаффæйы нысан куыд æрцыд 30.11.56 азæй Гойаты лæджы ныхмæ хъуыддаг уромыны тыххæй: «Уæлæмхасæн басгæрстæй фидаргонд æрцыд, Хуссар Ирыстоны кæй нæ уыд Джиджойты И. къухдариуæгады бын рахизты контрреволюцион организаци. Джиджойты И. 01.06.56 аз Гуырдзыстоны Советон Социалон Республикæйы æфсæддон трибуналы уынаффæмæ гæсгæ зылынгонд кӕй не 'рцыд, уый тыххӕй бынтондӕр реабилитацигонд ӕрцыд.

Гойаты Григорийы фырт Михаилы рухс ном рох никуы уыдзæнис. Рухсаг уæд!