Коцты Алексей Иваны фырт

Хуссар Ирыстоны Автономон областы прокурор
14.08.1988 — 6.07.1990

Коцты Иуаны фырт Алексей райгуырд ГССР Ахметы районы Думастурийы хъæуы 1947 азы тъæнджы мæйы 15 бон. Каст фæци Хетæгкаты Къостайы номыл Цæгат Ирыстоны паддзахадон университет «Барадхъахъхъӕнынад»-ы дæсныйад 1976 азы.

Прокуратурæйы органты куыста стажеры бынаты 1976 азæй, стæй та Цæгат Ирыстоны АССР-ы Орджоникидзейы транспортон прокуратурæйы фæдагурæгæй.

1980 азы сусæны мæйы 25 бон нысан æрцыд Хуссар Ирыстоны автономон областы прокуроры æххуысгæнæджы бартæ æххæстгæнæгæй æнахъомты хъуыддæгты фæдыл. 1980 азы декабрæй фæстæмæ уыд областы прокуратурæйы хистæр фæдагурæг.

1982 азæй 1986 азмæ куыста Фӕскавказы транспортон прокуратурæйы фæдагурæгæй.

1987 азы майрæмты мæйы 25 бон нысан æрцыд Цхинвалы прокуроры хæстæ æххæстгæнæгæй, 1987 азы 30 сентябрæй нысан æрцыд Цхинвалы прокурорæй. 1988 азы мæйрæмы мæйы 4 бон нысан æрцыд Хуссар Ирыстоны автономон областы прокурорæй.

1990 азы сусæны мæйы 6 бон, йæхи фæндонмæ гæсгæ, сæрибар æрцыд йæ куысты бынатæй.