Мæргъиты Зауыр Иваны фырт

Республикæ Хуссар Ирыстоны Генералон прокуроры хæстæ æххæстгæнæг
19.07.1995 — 04.08.1995
13.08.1998 — 13.11.1998

Мæргъиты Иваны фырт Зауыр райгуырд 1943 азы Джеуæргуыбайы мæйы 16 боны ГССР Боржомы районы Цъинубаны хъæуы.

1980 азы хуымгæнæны мæйы нысангонд æрцыд Цхинвалы районы прокуратурæйы фæдсгарæджы бынатмæ стажерæй.

1981 азы зæрдæвæрæны мæйы та – Цхинвалы районы фæдсгарæгæй. 1984 азы Джеуæргуыбайы мæйæ фæстæмæ куыста Хуссар Ирыстоны автономон областы прокуратурæйы централон аппараты. Уыд Республикæ Хуссар Ирыстоны Фæдагурæн хайады сæргълæууæг.

1995 æмæ 1998 азты æххæст кодта Республикæ Хуссар Ирыстоны прокуроры хæстæ.

2001 азы кæфты мæйы 31 боны нысан æрцыд Цхинвалы районы прокурорæй.

2002 азы Джеуæргуыбайы мæйы 1 бонæй нысангонд æрцыд фæдагурын æмæ иртасынмæ цæстдарды прокуроры хистæр æххуысгæнæгæй. 2003 азы зæрдæвæрæны мæйы 16 боны Мæргъиты Зауырыл æвæрд æрцыдысты Знауыры районы прокуроры хæстæ.

2003 азæй 2010 азмæ куыста оперативон-агуырды архайды хистæр прокурорæй. 2010 азы тъæнджы мæйы 15 боны хивæндæй йæ куысты бынатæй сæрибар æрцыд.

Къласон чин – юстицийы хистæр уынаффæгæнæг.