Цалынмæ паддзахадон орган кæнæ бæрнджын адæймагмæ куырдиат бадæттай, уæдмæ хъуамæ бæстон сбæрæг кæнай, рæгъмæ цы фарстатæ хæссыс, уыдон аскъуыддзаг кæнын йæ компетенцимæ хауы æви нæ.

Кæд куырдиат дæттыс, куыд физикон цæсгом, афтæ, уæд дзы хъуамæ нысангонд уой мыггаг, ном, фыды ном, посты адрес.

Куырдиатыл хъуамæ уа уæхи къухфыст. Кæд куырдиат дæттут, куыд юридикон кæнæ физикон цæсгомы минæвар, уæд уын къух æрфыссыны бар лæвæрд хъуамæ уа æмбæлон æууæнчы гæххæттмæ гæсгæ.

Хъаст бадæтгæйæ хъуамæ æнæмæнг банысан кæнат паддзахадон органы ном кæнæ куысты бынат, мыггаг, хъаст кæй архайдыл кæнут, уыдоны ном æмæ фыды нæмтты фыццаг дамгъæтæ, мотивтæ æмæ домæнтæ.

Генералон прокурормæ куырдиат бадæттæн ис зонгæ-зонын, посты, Республикæ Хуссар Ирыстоны Генералон прокуратурæйы официалон сайтыл.