103 азы размӕ хурхӕтӕны мӕйы 20 боны гуырдзиаг меньшевиктӕ фехстой уацайрӕгты - 13 ирон коммунары.

Æдæппæтæй уыцы аз гуырдзиаг меньшевиктæ амардтой 5 мин адæймагæй фылдæр, 15 мин фæмард æфцæджы сæрты Цæгат Ирыстонмæ куы цыдысты, уæд. 40 мин цæрæджы æнæбары сæ хæдзæрттæ ныууагътой. Уымӕ гӕсгӕ Ирыстоны 20 бон хурхӕтӕн мӕйы – Ирон адӕмы геноцыды бон ӕснысан кодтой.

Абон прокуратурӕйы кусджытӕ дӕр уыдысты дидинтӕ сӕвӕрыны церемонийы 13 коммунары цыртмӕ Цхинвалы Згъудеры уӕлмӕрды.

Геноцид хауы, æмгъуыдад кæуыл нæ парахат кæны, фыдракæндты ахæм категоримæ. Æрмæст 1920 азы фондз мин фæмардуæвæджы æмæ дыууын фондз мины сырдбаййафæджы – уый Хуссар Ирыстоны цæрджыты æмбис у.