Абон, 20 апрелы, æххӕст кӕны 142 азы Санахъоты Къыбылы фырт Матейы райгуырдыл – Ирыстоны хъæбатырдæр æмæ уæздандæр хъæбултæй иу, зынгæ хæстон разамонæг, æххӕст Георгийы кавалерыл, стӕй 1923–1924 æмæ 30-æм азты прокурор.

Санахъоты Къыбылы фырт Матейы бӕстон биографиимӕ базонгӕ уӕвӕн ис Республикӕ Хуссар Ирыстоны Генералон прокуратурӕйы сайтыл бацамындӕй: 

https://rsogenproc.su/genocide/returned-names/person/vozvrashennye-imena2/sanakoev-matvej-mate-kibilovich/

Афтæ ма Республикӕ Хуссар Ирыстоны Генералон прокуратурӕ хъусын кӕны, кæй райдыдта цæттæ кæнын документалон киноныв ӕмӕ æндæр номарæн зӕрдылдарӕн проекттæ Санахъоты Матейы цытæн. Сидæм Санахъоты Къыбылы фырт Матейы тыххӕй цыфӕнды зонӕнтӕ, документтӕ, къамтӕ кӕнӕ мысинӕгтӕ кӕмӕ ис, уыдонмӕ се' ппӕтмӕ дӕр. Курӕм, цӕмӕй баххуыс кӕнат информаци ӕмбырд кӕнынӕн ӕмӕ, цы ӕрмӕджытӕ ис, уыдон Генералон прокутатурæмӕ æрбадæттат.