Рабадты куысты хайад райстой Генералон прокуроры хӕдивджытӕ, Генералон прокуратурӕйы структурон дӕлхайӕдты хистæртæ, горӕты ӕмӕ районты прокурортӕ. Уыдон бавдыстой 2025 азы фыццаг ӕмбисы цы куыст бакодтой, уый тыххӕй докладтӕ.
Афӕдзы фыццаг ӕмбисы прокуратурӕйы оргӕнтӕй пълангонд ӕрцыдысты 233 мадзалы, уыдонӕй ӕххӕстгонд ӕрцыд 208. Ӕххӕстгонд пъланон мадзӕлтты хицӕн уӕз у 89, 2%.
Пъланон мадзӕлтты иумӕйаг нымӕцӕй 132 сты прокуророн басгӕрстытӕ, уыдонӕй уагъд ӕрцыд 127.
Прокуратурӕйы оргӕнтӕ хыгъдон ӕмгъуыдмӕ бахастой 27 равдысты. Тӕрхондӕттӕм зылынгӕнӕн хатдзӕгтимӕ ӕрвыст ӕрцыд 10 уголовон хъуыддаджы (2024 азы – 5 уголовон хъуыддаджы).
Ӕдӕппӕтӕй республикӕйы барадхъахъхъӕнӕг оргӕнтӕ арвыстой 32 уголовон хъуыддаджы (2024 азы – 29).
Прокуратурӕйы оргӕнтӕм бацыд 149 баздӕхты, уыдонӕй скъуыддзаг æрцыд 76 баздӕхты. Ӕркӕсынмӕ ӕрвыст ӕрцыд ӕндӕр уагдӕттӕм 11 баздæхты, 23 сты ӕркасты къӕпхӕны, иннӕтӕ та ӕфтыд сты уголовон хъуыддӕгтӕм, цӕстдарды куыстуӕттӕм ӕмӕ ӕндӕртӕм. Генералон прокурор прокуратурӕйы оргӕнтӕн бахæс кодта, цӕмӕй прокуророн дзуаппы мадзӕлттӕй пайда кӕныны ахадындзинад фӕбӕрзонддӕр кӕной, прокуророн реакцийы актты руаджы фыдракӕндтӕн дзуапп дӕттыны хӕрзхъӕддзинад ӕмӕ рӕвдздзинад фӕбӕрзонддӕр уой, сӕ ӕркасты нысангонд ӕмгъуыдтӕ сын карзӕй ӕххӕст кӕной; ӕгъдаухалӕнтӕ фактон ӕгъдауӕй аиуварс кӕной ӕмӕ аххосджын адӕймӕгты закъонмӕ гӕсгӕ бӕрнондзинадмӕ аздахой. Генералон прокурор прокуратурæйы кусджытӕн бахӕс кодта фыдракӕндтӕ æмæ фыдракӕндты ныхмӕ профилактикӕйы мадзӕлттӕ фæхуыздӕр кӕнын, рагагъоммӕйы фӕдсгӕрсты хӕрзхъӕддзинад фӕхуыздӕр кӕнынӕн бӕлвырд мадзӕлттӕ аразын, закъон халыны факттӕ республикӕйы ӕппӕт къабӕзты аиуварс кӕнынӕн мадзӕлттӕ аразын.