Республикæ Хуссар Ирыстоны Генералон прокуратурӕйы Фæдагурæн управлени байгом кодта уголовон хъуыддаг УФ УК 126 уацы 2 хайы "а", "в", "г", "з" п. п. ӕмӕ 163 уацы 3 хайы "б" п. квалификацийы ӕууӕлтӕм гӕсгӕ – мигæнæнæй æмæ тыхмийæ пайда гæнгæйæ, кæцытæ сты адæймаджы цард æмæ æнæниздзинадæн тæссаг, адæймæгты къорды рагагъоммæйы бадзырдмæ гæсгæ адӕймаджы адавын. Афтæ ма егъау исбон домыны тыхмийæ пайда кæныны тыххæй.

Фӕдсгӕрсты нымадӕй, фыдгӕнджытӕ, ӕвзистхуыз фӕсарӕйнаг хӕдтулгӕйыл цӕугӕйӕ, 06.09.2025 азы, 17.00 сахатмӕ ӕввахс, развæлгъау зианджынимӕ цы бадзырд арӕзт ӕрцыд, уымӕ гӕсгӕ бахӕццӕ сты Цхинвалы 8-ӕм июны уынджы йӕ цӕрӕн бынатмӕ.

Бӕрӕггонд фыдмигæнæг, зианджынимӕ иу чысыл аныхасы фӕстӕ, загъта, цӕмӕй хӕдтулгӕйы сбада ӕмӕ семӕ ацӕуа. Фыдгӕнджыты фӕндоны коммӕ бакӕсгӕйӕ, хъыгдард баййафӕг сбадт хӕдтулгӕйы, уый фӕстӕ йӕ аластой сахары цӕгатварсмӕ. Уым ӕртӕ сахаты бӕрц бавзӕрста физикон тыхмитӕ, ӕмӕ уыцы рӕстӕджы ӕвзӕргӕнджытӕ домдтой, цӕмӕй сын йӕ исбон радта уӕлдай егъау бӕрцы.

Зианджыны фӕсарӕйнаг хӕдтулгӕйы дӕгъӕлтӕ сӕхи куы бакодтой, кæцыйæн йæ аргъ у 6 000 000 сомӕй фылдӕр, уӕд фыдгӕнджытӕ зианджыны фӕстӕмӕ 8-æм июны уынджы йæ хӕдзары раз рахизын кодтой ӕмӕ фӕаууон сты. Хъыгдардбаййафӕг, йæ хæдтуалгæ атæрынæй тæрсгæйæ, ныццыд хæдтулгæ цы бынаты лæууыд, уырдæм. Хæдтулгæйæн йæ фæстаг форточкæ асаста, салонмæ бахызт æмæ машинæйы электрон хæйттæ систа, цæмæй ма скуса.

Ныртӕккӕ нысангонд фыдгӕнӕг ӕмӕ йӕ ӕмархайджытӕ агуырды сты. Ис дзы ахст адӕм, кæцытæ гуырысхойаг сты, цы фыдракæндтæ нымад æрцыдысты, уыдоны аразыны хъуыддаджы ӕмархайд кӕй кӕнынц, уый тыххӕй. Цӕуынц фӕдсгарӕн-оперативон мадзӕлттӕ хъуыддаджы ӕппӕт уавӕртӕ сбӕрӕг кӕнынӕн.