Коррупцион здӕхты уголовон хъуыддӕгтӕ сбӕлвырд кӕнынӕн теоретикон ӕмӕ практикон ӕххуыс бакӕныны фӕлгӕты 20 октябрӕй 26 октябрмӕ Хуссар Ирыстоны уыд Уæрæсейы Федерацийы Мидхъуыддæгты министрады минӕвар, Уӕрӕсейы Мидхъуыддæгты министрады Фæдагурæн департаменты контролон-методикон управленийы цыппӕрӕм хайады хӕдивӕг Максим Яремко.

Амынд ӕмгъуыдмӕ Яремко раиртӕста цалдӕр актуалон уголовон хъуыддаджы, кӕцытӕ сты Республикӕ Хуссар Ирыстоны Генералон прокуратурӕйы Фӕдсагурæн управленийы ӕмӕ лӕвӕрд ӕрцыдысты рекомендацитӕ фӕдсгӕрсты дарддӕры цыды тыххӕй. Уымӕй уӕлдай ма уӕрӕсейаг специалист йӕ хуссарирыстойнаг ӕмкусджытӕн раргом кодта сӕ фӕлтӕрддзинад ӕмӕ хӕдзарадон хъуыддӕгтӕ иртасыны ног мадзӕлттӕ.

Уӕрӕсейы Мидхъуыддæгты министрады Фæдагурæн департаменты контролон-методикон управленийы цыппӕрӕм хайады хӕдивӕг Максим Яремко бакаст лекци Республикӕ Хуссар Ирыстоны Генералон прокуратурӕйы кусджытӕн ахӕм темӕйыл: «Экономикӕйы къабазы уголовон хъуыддаг байгом кӕныны механизм куыд арӕзт у". Фембӕлды уыд Хуссар Ирыстоны Генералон прокурор.

Максим Яремко йӕ раныхасы фӕнысан кодта, уголовон хъуыддаг экономикӕйы къабазы байгом кӕнын у вазыгджын ӕмӕ бирӕэтапон процесс, кӕцы райдайы фыдракӕнды миниуджытӕ сбӕрӕг кӕнынӕй ӕмӕ фӕвӕййы уголовон хъуыддаг байгом кӕныны тыххӕй уынаффӕ рахӕссынӕй. Уголовон хъуыддаг байгом кӕнынӕн ӕфсон уыдзӕн курдиат кӕнӕ фыдракӕнды тыххӕй хъусынгӕнинаг. Дарддӕр ӕххӕстгонд цӕуы фыдракӕнды хъусынгӕнинаджы басгӕрст, ома, фӕдсгарӕн басгӕрст, ӕмӕ уый фӕстӕ уынаффӕ хаст цӕуы уголовон хъуыддаг байгом кӕныны кӕнӕ йӕ нӕ саразыны тыххӕй.

Фембӕлды рӕстӕджы уазæг практикӕйӕ ӕрхаста дӕнцӕгтӕ, æмӕ уыдоны бындурыл Максим Яремко раргом кодта йӕ фӕлтӕрддзинад. Лекцимӕ хъусджытӕ лӕвӕрдтой фарстытӕ нысангонд темӕмӕ гӕсгӕ.

Хуссар Ирыстоны Генералон прокурор Собайты Григорий фӕбӕрӕг кодта Максим Яремкойы хайбавæрд Хуссар Ирыстоны прокуратурӕимӕ иумӕйаг куысты ӕмӕ йӕ схорзӕхджын кодта уагдоны хӕрзиуӕгӕй.