Республикæ Хуссар Ирыстоны Генералон прокуратурæйы Фæдагурæн управлени байгом кодта уголовон хъуыддаг Республикæ Хуссар Ирыстоны 1990-æм азы гуырд æмбæстаджы ныхмæ Уæрæсейы Федерацийы Уголовон Кодексы 318 уацы 1 хайы æууæлтæм гæсгæ (тыхмийæ пайда кæнын хицауады минæвары ныхмæ).

Фæдагуырды хъуыдымæ гæсгæ, аххосджын ностджын уæвгæйæ, транспортон фæрæзы пассажирæй уæвгæйæ, кæцы фæцæйцыд Цхинвалы стадионы цурты скæсæнырдæм, спайда кодта Фæндагон-патрулон службæйы кусæджы ныхмæ тыхмийæ. Уый сæ баурæдта сæ гæххæттытæ сбæрæг кæныны тыххæй.

Гуырысхойаг ахст æрцыд.

Горæты тæрхондонмæ цæттæ цæуы куырдиат, цæмæй аххосджын ахст æрцæуа.

Куыд фæстаг рæстæг сарæх сты мидхъуыддæгты органты кусджыты ныхмæ архайдтæ, кæд æмæ уыдон æххæст кæнынц республикæйы æдасдзинад хъахъхъæныны куыст, уымæ гæсгæ Генералон прокуратурӕ адӕмы фӕдзӕхсы, барадхъахъхъӕнӕг оргӕнты кусджыты закъонон домӕнтӕ æххæст куынæ цæуой, уæд кæй хæссынц административон ӕмӕ уголовон бӕрндзинад.

Банысан кæнын хъæуы, æмæ органты кусджыты ныхмæ архайдтытæ нозджынæй арæзт куы цæуой, уæд уый æмбæстæгты бæрндзинадæй нæ сæрибар кæны æмæ нымад цӕуы уголовон закъонӕвӕрынадыл, куыд аххос уӕззаудӕр чи кӕны, ахӕм уавӕрыл.

Кæд æмæ дызæрдыг кæнут органты кусджыты архайдтыл, уæд Республикæ Хуссар Ирыстоны Генералон прокуратурæ фæдзæхсы æмбæстæгты, цæмæй бынаты рæстдзинад ма бæлвырд кæной, фæлæ куыд æмбæлы афтæ прокуратурæйы органтæм сидт бахæссой. Уым алы куырдиатмæ дæр æркæсдзысты, æмæ хъуыддаг равзарыны архайджыты архайдӕн та лӕвӕрд ӕрцӕудзӕн барадон аргъ ӕппӕт фӕстиуджытимӕ.