Генералон прокуратурӕйы фӕдсгарӕн управлени бавнӕлдта Республикон рынчындоны реанимацийы хайады хистӕр ӕмӕ рӕстӕмбис медицинон персоналы бӕрнон кусджытӕй цалдӕры ныхмӕ уголовон хъуыддаг иртасынмӕ, наркотикон фӕрӕзтӕ хыгъд ӕмӕ ӕфснайдмӕ фыдгӕнӕгӕй чи равдыста, ӕмӕ сӕ давынмӕ чи æркодта, уыдоны ныхмӕ.

Ацы уголовон хъуыддаг хицӕнгонд ӕрцыд хицӕн куыстадӕн, уый размӕ рабӕрӕг наркотикон фӕрӕзтӕ ӕмӕ психотропон буаргъӕдтӕ давд кӕй ӕрцыдысты, уый фӕдыл ивгъуыд азы кӕрон, ацы азы райдианы Республикон рынчындоны реанимацийы хайады цы сӕрмагонд егъау бӕрцы уыд, уымӕй.

Фӕдсгӕрсты нымадӕй, Республикон рынчындоны реанимацийы хайады бӕрнон кусджытӕ, кӕцыты ныхмӕ байгом кодтой ног уголовон хъуыддаг, сӕ бӕрнон хӕстӕ нӕ хынцгӕйӕ, равдыстой фыдракӕнды халӕн митӕ сӕ сӕххӕст кӕнынмӕ, уымӕй бауагътой адавын цыппарсӕдӕ ӕртын дыууӕ ампулӕй фылдӕр наркотикон фӕрӕзтӕ ӕмӕ психотропон буаргъӕдтӕ алыхуызон нӕмттимæ.

Ныртӕккӕ нысангонд ӕмӕ ӕххӕстгонд цӕуы фӕдсгарӕн архæйдтæ, сӕ нысан у сбӕрӕг кӕнын хъуыддаджы ӕппӕт уавӕртӕ. Уыимӕ тӕрхондонмӕ ӕрвыст ӕрцыд куырдиат, цӕмӕй гуырысхойӕгтæ ист ӕрцӕуой фӕдсгӕрсты рӕстӕгмӕ сӕ бынӕттӕй. Бӕрӕггонд цӕуы Республикæйы рæнчындоны хистӕр ӕмӕ рӕстӕмбис медицинон персоналы иннӕ бӕрнон кусджыты архайд ӕххӕст фыдракӕндмӕ.