Цалдæр мæйы дæргъы, Республикæ Хуссар Ирыстоны Генералон прокурор прокуророн кусджытæн цы лекцион ахуырты пълан-график снысан кодта, уый фæлгæтты уагъд цыдысты ахуыртæ цæмæй прокуратурæйы органты кусджыты профессионалон компетенци фæбæрзонддæр уа.

Кæронбæттæны доклад бакаст Республикæ Хуссар Ирыстоны Знауыры районы прокурор Цхуырбаты Хъазбек ахæм темæйыл: « Æмархайд дзыллон информацион фæрæзтимæ æмæ адæмы барадон рухсад».

Лекцитæ каст цыдысты уæрæх темæтыл, куыд: «Ӕмбарынад, системӕ ӕмӕ фыдракӕндтӕй хи хъахъхъӕныны социалон ахадындзинад», «Рецидивон ӕмӕ пенитенциарон фыдракӕндты рагфӕдзӕхст», «Прокуроры архайд барадон архайды» ӕмӕ ӕндӕр актуалон темӕтыл.

Лекцион ахуырты хайад истой хистæр прокурортæ, прокурортæ æмæ се ‘ххуысгæнджытæ.

Лекцитæ уагъд цыдысты Генералон прокуроры хæдивæг Къæбулты Тиграны разамындæй.

Лекцион ахуыртӕ арӕзт уыдысты цӕстдарды уагдоны кусджыты квалификаци системон ӕгъдауӕй фӕбӕрзонддӕр кӕныны, барадон культурӕ рӕзын кӕныны ӕмӕ республикӕ Хуссар Ирыстоны прокуратурӕйы оргӕнты кадрон ресурс фидардӕр кӕныны тыххæй.