Зынаргъ æмкусджытæ, прокуратурæйы органты кусджытæ æмæ ветерантæ!
Айсут æппæты хъармдæр арфæтæ æрбалæугæ Ног азы æмæ Цыппурсы бæрæгбонты фæдыл!
Ног азы къæсæрыл бузныг зæгъын прокуратурæйы кусджытæн иууылдæр сæ удуæлдай куыст, профессионализм æмæ сæ хæсыл иузæрдион кæй сты, уый тыххæй.
Цӕугӕ аз цаутӕй дзаг уыд, ӕрдомдта нӕ ӕххӕст удуӕлдай куыст, цӕстдарды ӕппӕт къабӕзтыл дӕр зынгӕ архайд. Сымах кадимӕ равдыстад Уӕ ӕнувыддзинад Закъонӕн лӕггад кӕныны тыххӕй, цӕттӕ кӕй стут амӕй фӕстӕмӕ дӕр бӕрзонд бӕрндзинад хӕссынмӕ барадон фӕтк фидар кӕныны тыххӕй, иудадзыг профессионалон ӕгъдауӕй хуыздӕр кӕнынмӕ тырныны тыххӕй. Уӕлдай бузныджы ныхас зӕгъын уыцы кусджытӕн, кӕцытӕ ӕхсӕвӕй-бонӕй æххæст кодтой прокуратурӕйы оргӕнты ӕнӕфӕцудгӕ, ӕнӕкъуылымпыйӕ куыст, кӕцытӕ сӕрмагонд бавӕрӕн хастой паддзахады ӕмӕ æмбæстæгты интерестӕ фидар кӕныны ӕмӕ хъахъхъӕныны хъуыддаджы.
Нæ ориентиртæ сты æнæфæивгæ: конституцион закъæттæ æххæст кæнын, барадон фæтк фидар кæнын æмæ нæ бæстæйы разамынад цы хæстæ æрывæрдта нæ разы, уыдон æххæст кæнын. Ацы принциптæ аразынц æхсæнады æууæнкдзинад прокуратурæмæ; уыдон сты адæм æмæ паддзахады раз нæ æрвылбонон куыст æмæ бæрзонд бæрндзинад. Стыр уæз хæссæм, æмæ нæ æрвылбонон куыст нæ зæрдыл лæууын кæны, нæ мисси куыд ахсджиаг у республикæйы царды.
Æрбалæугæ 2026 азы мах дарддæр нæ хæс æххæст кæнын хъæудзæнис стырдæр ныфс, профессионалон удуæлдайдзинад æмæ нысанмæ тырныдзинадимæ. Дуг йæхи домæнтæ домы. Рæстæг иу ран нæ лæууы, æмæ махæн дæр нæй гæнæн нæ темп æрыппарын. Ныфс мæ ис, æрмæстдæр иумæйаг æмуд коллективон куысты фæрцы кæй сæххæст кæндзыстæм нæ хæслæвæрдтæ, дарддæр дæр закъон æмæ барадон фæткы гарант уыдзыстæм æмæ размæ ныфсджын къахдзæфтæ араздзыстæм.
Нæ бæстæйы паддзахадон цардарæзты сæвзæрд æмæ рæзты æппæт къæпхæнты дæр прокуратурæйы органтæ ахстой сæрмагонд, ахсджиаг бынат паддзахадон системæйы. Сабыр дуджы æмæ æддагон знаджы æрбабырсты, уæззау æвзарæнты рæстæджы æмæ нæ республикæйы сомбон скъуыддзаг куы цыд, уæд прокуратурæ кæддæриддæр уыд паддзахадон фидардзинады, закъоны æмæ рæстдзинады фидар æнцой. Сæрбæрзонд стæм республикæйы барадон институттæ аразыны хъуыддаджы нæ архайды. Фæлтæрæй-фæлтæрмæ хæсыл цы иузæрдиондзинад хæссæм, уый ссис Хуссар Ирыстоны историйы æнæфæхицæнгæнæн хай æмæ прокуратурӕйы авторитеты фидар бындур, куыд паддзахадондзинады сӕйрагдӕр институттӕй иу, афтӕ.
Уæлдай бузныджы ныхæстæ зæгъын прокуратурæйы ветерантæн. Сымах лæууыдыстут прокуратурæйы ратæдзæнты, республикæимæ рацыдыстут æппæты уæззаудæр этаптыл. Уæ цардвæндаг, профессионалон дæнцæг сты удварны ориентир фидар цæджындз сомбоны прокуророн кусджыты фæлтæртæн.
Ног азы къæсæрыл уын мæ зæрдæ зæгъы фидар æнæниздзинад, бинонты хъæрмуддзинад æмæ сомбоны ныфс.
Уадз æмæ æрбалæугæ 2026 аз уæд хорз ивддзинæдты рæстæг, Закъон æмæ Фыдыбæстæйæн лæггад кæнын та баззайæд кады хъуыддагæй, сӕрыстыры ӕмӕ мидхъомысы суадонӕй. Мӕ зӕрдӕ уын зӕгъы ног профессионалон ӕнтыстытӕ Республикӕ Хуссар Ирыстоны пайдайӕн!