Республикӕ Хуссар Ирыстоны Генералон прокуратурӕйы ӕмӕ Хуссар Ирыстоны паддзахадон университет цы бадзырд архайы, уый æххæсткæнгæйæ, ХИПУ-йы «Юриспруденци»-йы дæсныйады 3 къурсы 10 студенты цӕуынц ахуырадон-базонгӕ практикӕ Республикӕ Хуссар Ирыстоны прокуратурӕйы оргӕнты.
Практикӕ студенттӕн фадат дӕтты теоретикон зонындзинӕдтӕй практикӕйы спайда кӕнынӕн, аналитикон зæрдæргъæвддзинад фӕхуыздӕр кӕнын, юристы реалон куыст бамбарынӕн ӕмӕ бирӕ ӕндӕртӕ.
Дыууӕ къуырийы дӕргъы студенттӕ базонгӕ уыдзысты "Республикӕ Хуссар Ирыстоны прокуратурӕйы Тыххӕй" Закъоны сӕйраг уагӕвӕрдтимӕ, прокуроры (слестгӕнӕджы) архайд регламентгӕнӕг ӕндӕр нормативон барадон акттимӕ, сахуыр кӕндзысты прокуратурӕйы куысты организаци, сахуыр кӕндзысты, фыдракӕндтӕ иртасгӕйӕ цы техникон фӕрӕзтӕ пайда кӕнынц, уыдон æмæ бирæ æндæр æнæмæнгхъæуæг зонæнтæ.
Практикӕйӕн иумӕйаг разамынд ӕмӕ йӕ саразыны бӕрн ӕвӕрд сты юстицийы хистӕр уынаффӕгӕнӕг Плиты Аланыл, Генералон прокуроры хӕдивӕгыл.