Республикӕ Хуссар Ирыстоны сӕдӕгай рауагъдонтӕн райхъуыст фӕстаг дзӕнгӕрӕг. Республикӕйы районты прокурортӕ бабӕрӕг кодтой ахуырадон уагдӕттӕ ӕмӕ раарфӕ кодтой рауагъдонтӕн, скъола каст кӕй фесты, уый тыххӕй.

Цхинвалы районы Прокурор Уалыты Алан ӕмӕ Республикӕ Хуссар Ирыстоны Генералон прокуроры хӕдивӕг Плиты Алан фæуазæг сты Зары хъӕуы астӕуккаг скъоламæ. Дзауы районы Прокурор Гӕззаты Георги бабӕрӕг кодта Къуайсайы иумӕйагахуырадон уагдон, Знауыры районы прокурор та раарфӕ кодта Терегуаны астӕуккаг скъолайы дыууӕ рауагъдонӕн, кæцытæ ацы аз рахиздзысты скъолайы къæсæрæй.

Республикӕ Хуссар Ирыстоны цӕстдарды уагдоны минӕвӕрттӕ раарфӕ кодтой ӕппӕт рауагъдонтӕн сӕ ахсджиаг цауы фӕдыл ӕмӕ сын загътой ӕнтыстытӕ сӕ равзӕрст къабазы. Арфӕйы ныхӕстӕ райхъуыстысты ахуырадон уагдӕтты ахуыргӕнджыты скондæн дæр сӕ бирӕ азты ӕнӕзӕрдӕхудт куысты тыххӕй.