Симферополы уагъд æрцыд ӕхсӕнадӕмон турнир тыхон спорты хуызтӕй пауэрлифтинджы Национ ассоциацийы (НАП) къухдариуӕджы бын. Ерысты Уӕрӕсейы Федерацийы прокуратурӕйы университеты Хъырымы юридикон институты (филиалы) 1 курсы студент Абайты Батрадз равдыста иттӕг хорз физикон цӕттӕдзинад. Турниры хатдзӕгтӕм гӕсгӕ Абайты Батразӕн лӕвӕрд ӕрцыд спорты мастеры кадджын ном.
Мадзал баиу кодта тыхджындӕр спортсменты, кӕцытӕн спорт хуымӕтӕджы хобби нӕу, фӕлӕ царды уаг ӕмӕ йӕ курдиат равдисыны мадзал канд ахуыры нӕ, уымӕн ӕмӕ, куыд фӕзӕгъынц, курдиатджын адӕймаг курдиатджын у алцӕмӕй дӕр.
Арфӕ кӕнӕм Батразӕн, спорты мастеры кадджын ном ын кӕй радтой, уый тыххӕй. Дарддӕр – фылдӕр!
Уӕ зӕрдыл уын ӕрлӕууын кӕнӕм, Абайты Батрадз уæлдæр ахуырад райсынмӕ æрвыст ӕрцыд Республикæ Хуссар Ирыстоны Генералон прокуратурӕйы уылты.