Республикӕ Хуссар Ирыстоны Генералон прокуратурӕ байгом кодта уголовон хъуыддаг, п. "в" УК УФ фыццаг статья 229-ӕм хайы рагзагъд фыдракӕнды ӕууӕлтӕм гӕсгӕ (наркотикон фӕрӕзтӕ давын службӕйон уавӕрӕй пайда кӕнгӕйӕ).

Уголовон хъуыддаг байгом кӕнынӕн бындур уыд Паддзахадон ӕдасдзинады Комитеты оперативон-агуырды архайды ӕрмӕг Республикон бирӕпрофилон медицинон центры, кӕцыйы рӕстӕджы рабӕрӕг дохтыртӕй са иу сӕрмагонд пайда кӕныны нысанимӕ морфин, промедол ӕмӕ ӕндӕр наркотикон ӕмӕ тыхджын буаргъӕдты адавд. Басгӕрсты фӕстиуӕгӕн, гуырысхойагмӕ рабӕрӕг наркотикон фӕрӕзтӕй ӕнӕ медицинон хуызы пайда кӕнын.

Уголовон хъуыддаджы фӕдсгӕрст бахӕс кодтой Республикӕ Хуссар Ирыстоны Генералон прокуратурӕйы Фӕдсгарӕн управленийӕн. Ныртӕккӕ ӕвӕрд цӕуынц хъуыддаджы ӕппӕт уавӕртӕ дӕр, уыимӕ аххосӕгтӕ ӕмӕ, фыдракӕнд саразынӕн ахъаз чи уыд, уыцы уавӕртӕ дӕр.