Республикӕ Хуссар Ирыстоны Генералон прокуратурӕйы Генералон прокурор Собайты Григорийы разамындӕй арӕзт ӕрцыд коллегийы радон ӕмбырд. Коллегийы боны фæткы – республикӕ Хуссар Ирыстоны прокуратурӕйы оргӕнты архайды ӕрныхас 2024 азы фыццаг ӕмбисы фӕстиуджытыл.
Ӕмбырды архайдтой Республикӕ Хуссар Ирыстоны Генералон прокуроры хӕдивджытӕ, республикӕйы Генералон прокуратурӕйы структурон дӕлхайӕдты хицӕуттӕ, горӕт Цхинвалы прокурор ӕмӕ республикӕйы районты прокурортӕ. Закъонад ӕмӕ барадхъахъхъӕнынады уавӕры тыххӕй информациимӕ республикӕйы ӕмӕ сӕ фидар кӕныны куыстимӕ раныхас кодта Генералон прокурор Григорий Собайты, йӕ доклады фехъусын кодта статистикон бӕрӕггӕнӕнтӕ, тӕрхондоны цы уголовон хъуыддӕгтӕ байгом кодтой ӕмӕ тӕрхондоны ӕркастысты категоритӕм гӕсгӕ, тӕрхондонмӕ цы домӕн курдиӕттӕ балӕвӕрдтой, уыдоны нымӕц ӕмӕ ӕндӕр статистикон информаци цы ӕмгъуыдмӕ ӕвзӕрст ӕрцыдысты, уый тыххӕй. Архайды къабӕзтыл цы куыст бакодтой, уый тыххӕй ма докладтӕ скодтой Генералон прокуроры хӕдивджытӕ Тигран Къӕбулты, Алан Плиты, паддзахады интерестӕ тӕрхондоны куыд ӕвдыст цӕуынц, уый тыххӕй паддзахадон зылындзинад бахъахъхъӕныны руаджы радзырдта Генералон прокуроры хӕдивӕг Иринӕ Цхуырбаты, фӕдсгарӕн куысты фӕстиуджытыл дзуапп радта Республикӕ Хуссар Ирыстоны Генералон прокуратурӕйы Фӕдсгарӕн управленийы хицау Алан Плиты.
Ӕмбырды хатдзӕгтӕм Гӕсгӕ Собайты Григорий радта къорд фӕдзӕхсты, сӕ нысан-прокуратурӕйы оргӕнты цӕстдарды архайды ахадындзинад фӕбӕрзонддӕр кӕнын, бацамыдта мадзӕлттӕ саразын закъон халыны ӕппӕт къабӕзты дӕр, фӕсидт контролон цӕстдардмӕ контролон оргӕнты ӕмӕ хицаудзинады оргӕнты архайдмӕ, фыдракӕндтӕ ӕмӕ фыдракӕндтӕ хъахъхъӕныны ӕмӕ профилактикӕйы мадзӕлттӕ фӕхуыздӕр кӕнынмӕ, барадон пропагандӕ фӕтыхджындӕр кӕнынмӕ. Цы хӕстӕ ӕвӕрд ис, уыдон ӕххӕст кӕныны тыххӕй Генералон прокурор йӕ дӕлбартӕй бадомдта, цӕмӕй ӕвӕстиатӕй дзуапп дӕттой сидтытӕн, бӕлвырд фӕдзӕхстытӕ дӕттой халӕн митӕ аиуварс кӕныны тыххӕй ӕмӕ сын сӕ реалон ӕххӕсткӕнынадмӕ цӕстдардтаиккой.
Кӕронбӕттӕны Генералон прокурор куыд фӕбӕрӕг кодта, афтӕмӕй прокуратурӕйы оргӕнтӕ дарддӕр дӕр хъавынц хуыздӕр кӕнын куыст закъоны хицаудзинад фидар кӕныны тыххӕй бындурон ориентиртӕм гӕсгӕ.