Республикæ Хуссар Ирыстоны Генералон прокуратурæйы прокурортæ-криминалситтæ Къусраты Руслан æмæ Туаты Михаил бакастысты се ‘мкусджытæн лекци ахæм темæйыл, куыд: «Габитоскопия (портретон экспертизæ): æмбарынад æмæ нысан экспертон архайды».

Лекцийы рæстæджы ныхасы рацæуджытæ бамбарын кодтой цы у габитоскопийæ æмæ цы нысан кæны тæрхонон-экспертон иртасæнты.

Лекцийы нысаниуæг уыд егъау, кæд æмæ ахæм экспертизæты фæстиуджытæй раст пайда кæнынæн ис стыр нысаниуæг фæдагуырды æмæ тæрхоны рæстæг.

Уæ зæрдыл уын лæууын кæнæм, Хуссар Ирыстоны Генералон прокуратурæйы экспертон-криминалистон хайады кусджытæ арæх кæй уадзынц ахæм лекцитæ. Уыдонæн сæ нысаниуæг у профессионалон зонындзинæдтæ æмæ эксперттæ-криминалисттимæ æмархайд фæбæрзонддæр кæнын.