Республикӕ Хуссар Ирыстоны Генералон прокурор цы пълан-график сфидар кодта, уый фӕлгӕты прокуророн кусджытӕн арӕзт ӕрцыд прокуратурӕйы оргӕнты кусджыты профессионалон компетенцийы ӕмвӕзад фӕбӕрзонддӕр кӕнынмӕ арӕзт ахуырадон мадзӕлтты радон цикл.
Ахуыртӕ цӕуынц Генералон прокуроры хӕдивӕг Къӕбулты Тиграны разамындӕй, уый нысангонд ӕрцыд сӕ организаци ӕмӕ сӕ саразыны бӕрнон бынатмӕ. Абоны фембæлды доклад бакаст Республикæ Хуссар Ирыстоны Цхинвалы районы прокурор Уалыты Алан ахæм темæйыл: «Прокуратурæйы архайд барадон куысты». Лекцийы рæстæджы стыр хъусдард здæхт æрцыд прокуророн цӕстдарды актуалон фарстытӕм, закъонӕвӕрынадӕй спайда кӕныны практикон аспекттӕм, стӕй прокуратурӕйы оргӕнты куысты ахадындзинад фӕбӕрзонддӕр кӕныны механизмтӕм.
Уӕлдай хъусдард здӕхт ӕрцыд закъонад фидар кӕныны фарстатӕм, æмбæстæгты бартӕ ӕмӕ сӕрибардзинӕдтӕ ӕххӕст кӕныны фарстытӕм, стӕй барадон практикӕ хуыздӕр кӕныны фарстытӕм. Ахуырты архайдтой хистӕр прокурортӕ, прокурортӕ ӕмӕ прокурорты ӕххуысгӕнджытӕ.
Ацы мадзæлттæ ахъаз сты прокуратурӕйы кусджыты профессионалон цӕттӕдзинады ӕмвӕзад системон ӕгъдауӕй фӕбӕрзонддӕр кӕнынӕн, барадон культурӕйы рӕзтӕн ӕмӕ Республикӕ Хуссар Ирыстоны прокуратурӕйы оргӕнты кадрон хъомыс фидардӕр кӕнынӕн.