Фыццаг хъуыдтаджы Парламенты депутат Плиты К. цы буары цӕфтӕ йыл ӕрцыд, уыдоны фӕдыл барадхъахъхъӕнӕг оргӕнтӕм курдиатимӕ дзурын нӕ бакуымдта, медикон басгæрст нӕ бакуымдта. Республикӕ Хуссар Ирыстоны Республикон бирӕпрофилон медцентрмӕ цы барадхъахъхъӕнджытӕ ӕрбацыд, уыдонӕн бамбарын кодта, цы 'рцыд, уый цардуагон характер кӕй у ӕмӕ политикон архайд ӕххӕст кӕнынимӕ баст кӕй нӕу, уый. Фӕстӕдӕр, социалон хызты Плиты К. ноджыдӕр ма иу хатт фӕнысан кодта йӕ позици, бацамыдта быцӕуы фарсты бафидауынмӕ, фӕсидт, цӕмӕй уыцы уавӕр политикӕ ма кӕной.
Кӕд Плиты К. Д. барадхъахъхъӕнӕг оргӕнтӕм бадзурыны фӕнд нӕй, уӕддӕр прокуратурӕ дарддӕр дӕр йӕ хъус дары, амынд цаумӕ гӕсгӕ цы службӕйон басгӕрст ӕххӕстгонд цӕуы, уый цыдмӕ; аххосджынгонд бӕрнон кусджытӕ дзуапп ӕрдомдзысты.
Дыккаг цауы фигурант Челӕхсаты А. курдиат балӕвӕрдта прокуратурӕйы оргӕнтӕм 8-ӕм январӕй 9-ӕм январмӕ ӕхсӕвы. Фӕлӕ барадон оргӕнтӕн уыцы курдиатӕн ӕвӕстиатӕй дзуапп раттын нӕ бантыст. Фæдысгарæгмӕ цы сидтытӕ уыд хъуыдтаджы фарстыты фӕдыл, уыдон Челӕхсаты А. ницӕмӕ ӕрдардта. Уыцы рӕстӕг йӕ интервьютӕ ӕмӕ видеоӕвдыстытӕ иудадзыгдӕр мыхуыргонд цыдысты интернеты хызы хуссарирыстойнаг сегменты алыхуызон ресурстыл. Ныртӕккӕ фæдысгæрсты куыст дарддӕр цӕуы. Йӕ фӕуынмӕ гӕсгӕ уынаффӕ рахӕсдзысты закъонмӕ гӕсгӕ.
Иуӕй-иу политикон тыхтӕ ӕмӕ хицӕн политикон архайджытӕ, уавӕрӕй пайда кӕнгӕйӕ, сӕ политикон амбициты пайдайӕн, политикон дивидендтӕ райсыны охыл, архайынц, барадхъахъхъӕнӕг оргӕнты официалон реакцимӕ нӕ банхъӕлмӕ кӕсгӕйӕ, дыууӕ ӕнӕмбаст цауы дӕр кӕрӕдзиуыл бабӕттыныл, политикон рдӕм сӕ раивыныл, адӕмӕн ӕнӕзакъондзинады хуызы равдисыныл, уыимӕ пайда кӕнынц ӕнӕбындур зӕгъинӕгтӕй, куыд "барадон ӕнӕбындурдзинады" ӕмӕ ӕмӕ ӕндӕртӕй.
Нымайӕм ахӕм хуызы курдиӕттӕ ӕнӕруадзӕн, уӕлдайдӕр, фæдагуырды размӕ басгӕрст ӕххӕстгонд куы нӕма 'рцыд, хъуыддаджы фӕдыл процессуалон уынаффӕтӕ хаст куы нӕма' рцыд, уӕд, уымӕн ӕмӕ ахӕм курдиӕттӕ канд республикӕйы барадхъахъхъӕнӕг системӕ ӕмӕ ӕмткӕй паддзахад нӕ, фӕлӕ Уӕрӕсейы Федерациимӕ ӕхсӕндзарды ахастдзинӕдтӕ дӕр ӕнӕуаг кӕнынц.
Хицӕнӕй фӕдзӕхсӕм, ӕцӕгдзинадӕн ӕмбӕлон цы нӕу, ахӕм информаци парахат кӕнын, кӕнӕ паддзахадон хицаудзинады оргӕнтӕ халын ӕмӕ дискредитаци кӕнын, ахӕм митӕ кӕй домынц куыд административон, афтӕ уголовон бӕрндзинад дӕр.