Республикӕ Хуссар Ирыстоны Генералон прокурор Собайты Григорийы разамындӕй арӕзт ӕрцыд коллегийы уӕрӕхгонд ӕмбырд. Цӕстдарды уагдоны ӕрбадты хайад райстой Хуссар Ирыстоны Президент Гаглойты Алан, Хуссар Ирыстоны Сӕйраг тӕрхондоны сӕрдар Джиоты Витали, Хуссар Ирыстоны Æдасдзинады цæдисы секретарь Плиты Анатолий æмæ Республикӕ Хуссар Ирыстоны Генералон прокуратурӕйы кусджытӕ.

Боны фӕткмӕ хаст ӕрцыд дыууӕ раныхасы Республикӕ Хуссар Ирыстоны закъонад ӕмӕ барадон фӕткы уавӕры тыххӕй ӕмӕ 2025 азы сӕ фидар кӕныныл цы куыст бакодтой, уый тыххӕй.

Докладтӕ бакастысты Республикӕ Хуссар Ирыстоны Генералон прокурор Собайты Григорий ӕмӕ Республикӕ Хуссар Ирыстоны Генералон прокуроры фыццаг хӕдивӕг Тадтаты Петр.

2025 азы криминогенон уавӕр Республикӕ Хуссар Ирыстоны ӕвдыст цӕуы куыд ӕнӕфӕцудгӕ ӕмӕ контролон, ирд ӕвӕрццӕг динамикӕимӕ.

Регистрацигонд ӕрцыд ӕрмӕст 108 фыдракӕнды — 2024 азӕй 11 къаддӕр, уый руаджы фыдракӕндты ӕмвӕзад фӕкъаддӕр 9,24%, къухы бафтыд рекордон ӕргомкӕнынад - 97,2 % (афӕдз раздӕр 89% ныхмӕ), уыдонимӕ ӕппӕт уӕззау ӕмӕ уӕлдай уӕззау фыдракӕндты сӕдӕ проценты ӕргомкӕнынад дӕр. Æргом æрцыдысты 105 фыдракӕнды. Уӕззау ӕмӕ уӕлдай уӕззау хъуыддӕгты нымӕц фӕкъаддӕр 27,6 % — 47% - ӕй 34-мӕ, уый сси иумӕйаг криминогенон уавӕр зынгӕ фӕхуыздӕр кӕныны ӕмӕ ӕхсӕнадон ӕдасдзинады ӕмвӕзад фӕбӕрзонддӕр кӕныны сӕйраг бӕрӕггӕнӕнтӕй иу.

Фыдракӕндты структурӕйы уӕззау ӕмӕ уӕлдай уӕззау скондты хай фӕкъаддӕр 31,5% онг (2024 азы 39,5% ныхмӕ). Ӕппӕты ахадгӕдӕр ӕнтыстытӕ ис ӕнахъомты 'хсӕн фыдракӕндтӕ ӕххӕстӕй кӕй нӕй (0-йы размӕйы азы 3-йы ныхмӕ), уый дзурӕг у ӕнахъомтимӕ профилактикон куысты бӕрзонд ахадындзинадыл. Активонӕй ӕххӕстгонд цӕуынц профилактикон ныхӕстӕ (117 цауы 2024 азы 39 ныхмӕ), цӕхгӕр фӕкъаддӕр ӕнахъомты аластыты нымӕц ӕхсӕнадон уагӕвӕрд халыны тыххӕй Ӕнтыстджынӕй ӕххӕстгонд цӕуы ӕхсӕнуагдонон ӕмархайд, уыйадыл латентон сферӕйӕ ист ӕрцыд уӕлӕмхасӕн 6 фыдракӕнды хӕцӕнгарзы ӕнӕзакъон зилдухӕй.

Йӕ доклады Республикӕ Хуссар Ирыстоны Генералон прокуроры фыццаг хӕдивӕг куыд фӕбӕрӕг кодта, афтӕмӕй хицӕн бынӕттон бӕрӕггӕнӕнтӕ, куыд зына-нӕзына рӕзт иуӕй-иу категориты (транспортӕн ногӕй разамынд дӕттын расыгӕй, хицӕн цаутӕ хӕцӕнгӕрзтимӕ), фыццаджыдӕр, баст сты контроль фӕтыхджындӕр кӕныныл ӕмӕ ӕгъдаухалӕнтӕ хуыздӕр сбӕрӕг кӕныныл, уый бӕлвырд кӕны барадхъахъхъӕнӕг оргӕнты активондзинад фӕбӕрзонддӕр кӕныныл. Уыцы фарстатӕм ис лӕмбынӕг хъусдард ӕмӕ сӕ ӕнтыстджынӕй тасындзӕг кӕнынц адрисон профилактикон мадзӕлттӕй. Территориалон хицӕндзинӕдтӕ дыууӕ районы дӕр рӕвдз куыстгонд цӕуынц мидхъуыддӕгты оргӕнтимӕ иумӕ.

Фӕбӕрзонддӕр фӕдсгӕрсты хӕрзхъӕддзинад: уголовон хъуыддӕгтӕ фылдӕр ӕрвыст ӕрцыдысты тӕрхондонмӕ аххосджынгӕнӕг уынаффӕимӕ, цы хъуыддӕгтӕ байгом кодтой, уыдоны иумӕйаг нымӕц къаддӕр куы уа ӕмӕ сӕ фӕстӕмӕ фӕдфӕливынмӕ цӕхгӕр куы фӕкъаддӕр уа, уӕд. Цӕвиттон, барадхъахъхъӕнӕг органтӕ ист ӕрцыдысты 242 уголовон хъуыддаджы уадзынмӕ, тӕрхондонмӕ ӕрвыст ӕрцыд 80 хъуыддаджы аххосджынгӕнӕг уынаффӕимӕ, зиан 9,4 милуан сомӕй фылдӕр баххӕст кодтой ӕрмӕст прокуратурӕйы оргӕнтӕ. Прокуратурӕйы органтӕ хыгъдон ӕмгъуыдмӕ тӕрхондонмӕ аххосджынгӕнӕг уынаффӕимӕ ӕрвыст ӕрцыд 22 уголовон хъуыддаджы, фӕстӕмӕ лӕвӕрд ӕрцыд уӕлӕмхасӕн фӕдсгӕрстмӕ иу хъуыддаг; урӕд ӕрцыд 8 уголовон хъуыддаджы (уголовон фӕдфӕливӕн миты ӕмгъуыд фӕуын, фыдракӕнды цау ӕмӕ фыдракӕнды сконд кӕй нӕй, уый); урӕд ӕрцыд 11 уголовон хъуыддаджы (аххосджынты хуызы ӕрбакӕнинаг чи у, уыдоны не сбӕрӕг кӕнын, сӕ бынат сын не сбӕрӕг кӕнын).

Экономикон, уыимӕ хъалонон фыдракӕндтӕ иртасыны сӕйраг хӕс у бюджетон системӕйӕн ӕмӕ зианджынтӕн зиан ӕрхӕссын. Фæдагуырды процессы ӕмӕ фӕдсгарӕн сгӕрстыты фӕстиуӕгӕн 2025 азы прокуратурӕйы органтӕ баххӕст кодтой 9 432 930 сомы.

Республикӕйы Генералон прокуратурӕйы ЭКО-йы прокурортӕ-криминалисттӕ архайдтой 110 оперативон-фæдагурæн мадзалы.

Прокуратурӕ равдыста цӕстдарды архайды стыр ахадындзинад: конд ӕрцыд 461 пълангонд мадзалæй 446 (96,7 %), уыдонимӕ 263 пъланон цӕстдарды басгӕрсты (пъланӕй 99% фылдӕр). Басгӕрстыты хатдзӕгтӕм гӕсгӕ хаст ӕрцыд 64 равдысты, 13 бӕрнон кусӕджы ӕрдомдтой дисциплинарон бӕрндзинад.

2025 азы прокуратурӕйы органтӕм ӕрбацыд 308 баздӕхты, уыдонӕй скъуыддзаг æрцыд 159.

Сӕрмагонд райсты Генералон прокурор райста 178 адӕймаджы; прокуратурӕйы органты разамонджытӕ – 230.

Собайты Григорий йӕ доклады радзырдта, кусджыты профессионалон ӕмвӕзад фӕбӕрзонддӕр кӕныныл цы куыст цӕуы, уый тыххӕй. Ӕхсӕз фæдагурæджы ӕнтыстджынӕй ацыдысты Уӕрӕсейы Федерацийы уæлдæр ахуыргæнæндæтты квалификаци фӕбӕрзонддӕр кӕныны хъуыддаджы, ацы аз та хъавынц дӕс прокуроры ахуырмӕ арвитын. Активонӕй пайдагонд цӕуы дистанцион ахуыры гӕнӕнтӕй Уæрæсейы Федерацийы Генералон прокуратурӕйы ӕмӕ Фӕдсгарӕн комитеты системӕйы.

Фидардӕр кӕны æхсæнадӕмон ӕмгуыстад Уӕрӕсейы Федерацийӕ ӕмӕ Абхазы æмкусджытимӕ, уыдонимӕ дыууӕ бӕстӕйы ӕфсӕддон прокуратурӕты 'хсӕн бадзырд бацӕттӕ кӕнын ӕмӕ фыдракӕндты ныхмӕ иумӕйаг семинартӕ саразыны пълантӕ.

Республикӕ Хуссар Ирыстоны Генералон прокурор Собайты Григорий рахицӕн кодта цалдӕр актуалон ӕмӕ ахсджиаг къабазы, кӕцытӕ куыст цӕудзысты уӕрӕсейаг ӕмкусджытимӕ иумӕ.

Ӕмткӕй 2025 азы хатдзӕгтӕм гӕсгӕ барадхъахъхъӕнӕг органтӕ ӕмӕ Республикӕ Хуссар Ирыстоны прокуратурӕ равдыстой бӕрзонд профессионализм, эффективондзинад ӕмӕ фидар барадон уагӕвӕрд ӕххӕст кӕныны хъомыс. Къухы цы бӕрӕггӕнӕнтӕ бафтыд — фӕстаг азты хуыздӕртӕй иутӕ — уыдон фидар кӕнынц, цы стратеги равзӕрстой, уый раст кӕй у, уый ӕмӕ фадат дӕттынц республикӕйы закъондзинад ӕмӕ ӕхсӕнадон ӕдасдзинад дарддӕр фидар кӕныны тыххӕй ныфсджынӕй дзурынӕн.

Кæронбæттæны Собайты Григорий фӕнысан кодта, цӕстдарды ӕмӕ рагагъоммӕйы фӕдсгӕрсты системӕ ӕмткӕй ахадгӕ кӕй кусы, уый.

Ацы азӕн приоритетон хӕстӕ бӕрӕг кӕнгӕйӕ, Собайты Григорий бахахх кодта республикӕйы царды сӕйрагдӕр къабӕзты закъонӕвӕрынад ӕххӕст кӕнынмӕ прокуророн цӕстдард фӕтыхджындӕр кӕнын, закъонад фидар кӕнын ӕмӕ закъонӕвӕрынадмӕ цӕстдарды ахадындзинад фӕбӕрзонддӕр кӕнын. Ацы азы сӕйрагдӕр хӕслӕвӕрдты хыгъды Собайты Григорий уӕлдай тынгдӕр йӕ хъус ӕрдардта зӕххы фӕрӕзтӕй пайда кӕнгӕйӕ ӕмӕ уаргӕйӕ закъондзинад сифтонг кӕныны фарстатӕм. Уыцы контексты уый бахахх кодта Президенты фӕдзӕхст сӕххӕст кӕныны ахадындзинад прокурортӕ алыхуызон категориты зӕххытӕ байуарыны тыххӕй. Ӕххӕстбарджын прокурортӕн лӕвӕрд ӕрцыд бардзырд, цӕмӕй ӕвӕстиатӕй бавналой ӕппӕт хъӕугӕ гæххæттытæ ӕмӕ зонӕнтӕ ӕмбырд кӕнынмӕ уыцы хӕс хӕрзхъӕд ӕххӕст кӕнынмӕ.

Ӕмбырды кӕрон Республикӕ Хуссар Ирыстоны Президент Гаглойты Алан фӕбӕрӕг кодта прокуратурӕйы органты бӕрнондзинад ӕмӕ профессионализмы бӕрзонд ӕмвӕзад. Хорз аргъгонд ӕрцыд прокуратурӕйы куыстӕн барадон рухсады тыххӕй: ахуырадон уагдӕтты лекцитӕ аразын, фӕсивӕдимӕ кусын ӕмӕ ӕхсӕнадимӕ ӕмархайд ахъаз сты фидар барадон ӕмбарынад аразынӕн ӕмӕ сты фыдракӕндты профилактикӕйы ахсджиаг элемент.

Уыимӕ ма Президент йӕ хъус ӕрдардта, уӕлӕмхасӕн хъусдард чи домы, ахӕм цалдӕр здӕхтмӕ. Цӕвиттон, процессуалон ӕмгъуыдтӕ ӕххӕст кӕнын, фӕдсгарӕн архайды ӕххӕстдзинад ӕмӕ хӕрзхъӕддзинад фӕбӕрзонддӕр кӕнын, стӕй закъон халджытӕн афоныл ӕмӕ принципиалон дзуапп дӕттын.

Уыимӕ сӕйраг приоритет фидӕны ӕмгъуыдмӕ у прокуророн цӕстдарды ӕппӕт системӕйы ахадындзинад дарддӕр фидар кӕнын. Прокуратурӕйы органтӕм сӕйраг домӕн у закъонад карзӕй ӕххӕст кӕнын ӕмӕ æмбæстæгты бартӕ ӕххӕст кӕнын уголовон процессы ӕппӕт къӕпхӕнты. Нӕ барынц формалон ахаст ӕмӕ рагагъоммӕйы фӕдсгӕрсты ӕмгъуыд ныддӕргъвӕтин кӕнын. Алы уголовон хъуыддаг ӕмӕ алы ӕрмӕг дӕр хъуамӕ логикон кӕронмӕ хӕццӕ кӕной ӕмбаргӕ ӕмӕ закъонмӕ гӕсгӕ ӕвӕрд ӕмгъуыдтӕм, ӕнӕ уӕлдай фӕстиат ӕмӕ бюрократон фӕстиаттӕй.

Сӕрмагонд ӕргом аздахын хъӕуы рагагъоммӕйы фӕдсгӕрсты хӕрзхъӕддзинадмӕ, уымӕн ӕмӕ уымӕй фылдӕр аразгӕ сты тӕрхондоны ӕркасты фӕстиуджытӕ ӕмӕ граждӕнты ӕууӕнк рӕстдзииады системӕмӕ.

Хицӕнӕй Президент бахахх кодта, зӕгъгӕ, гуырысхойӕгты ӕмӕ аххосджынты бартӕ хъуамӕ ӕххӕстгонд цӕуой ӕххӕстӕй, ерысы ӕмӕ ӕнаххосдзинады разумпцийы принциптӕ та баззайынц рӕстаг рӕстдзииады бындурӕй.

Уый ӕмрӕнхъ хъӕуы пъланон ӕмӕ цӕстдарды мадзӕлтты хӕрзхъӕддзинад фӕбӕрзонддӕр кӕнын. Басгӕрстытӕ хъуамӕ уой формалон нӕ, фӕлӕ ӕцӕг фӕстиуӕгджын, сӕ нысан – закъоны хӕлдтытӕ сбӕрӕг кӕнын ӕмӕ аиуварс кӕнын. Ахсджиаг у дарддӕр дӕр профилактикон куыст фӕтыхджындӕр кӕнын, уӕлдайдӕр ӕнахъомты 'хсӕн фыдракӕндтӕ фӕдзӕхсыны хъуыддаджы, стӕй ма ноджы фидардæр кæнын æмархайд Уæрæсейы Федерацийы президенты цур сывӕллоны барты Ӕххӕстбарджын Минӕваримӕ, Мидхъуыддӕгты оргӕнтимӕ ӕмӕ ахуырады Министрадимӕ.

Бахахх кодтой ӕхсæнадӕмон ӕмгуыстады дарддӕры рӕзт, фыццаджыдӕр Уӕрӕсейы Федерацийы Генералон прокуратурӕимӕ. Ацы здӕхт ныридӕгӕн сбӕлвырд кодта йӕ практикон ахадындзинад ӕмӕ хъуамӕ фӕд-фӕдыл фӕуӕрӕхдӕр уа.

Президент бахахх кодта, прокуратурӕйы оргӕнты архайд кӕй домы бӕрзонд бӕрндзинад, фӕразондзинад ӕмӕ принципиалондзинад ӕмӕ йӕ бафӕндыд Дарддӕры ӕнтыстдзинӕдтӕ хуссар Ирыстоны пайдайӕн службӕйы.