Республикӕ Хуссар Ирыстоны Генералон прокуратурӕ байгом кодта уголовон хъуыддаг Таможнӕйы комитеты сӕрдар Чочиты А.Е.-йы ныхмӕ тыхмитӕ кӕныны тыххӕй йӕ службӕйон кабинеты, кӕцы уыд 25.04.2025 азы.

Фигуранттӕ ацы уголовон хъуыддаджы гуырысхойаг сты Уырысы УК-йы уацы 222 1 хаймӕ ӕмӕ 318 уфцы 1 хаймӕ гӕсгӕ; квалификацийы ӕууӕлтӕм гӕсгӕ – ӕнӕзакъонӕй самал кӕнын, дарын ӕмӕ дарын ӕхсӕнгарз, стӕй хицауады минӕварыл тыхмийӕ пайда кӕныны тыххӕй. Ныртӕккӕ республикӕйы Мидхъуыддӕгты министрады оперативон службӕтӕ арӕзт сты, фыдракӕнды фӕстӕ йӕ бынатӕй чи фӕаууон, уыцы гуырысхойӕгты сбӕрӕг ӕмӕ ӕрцахсынмӕ.

Фӕдысгарджытӕй фӕфарстӕуы ацы фыдракӕнд фенӕг адӕмы, сбӕрӕг кӕнынц хъуыддаджы ӕппӕт уавӕртӕ дӕр.

Рагагъоммӕйы фӕдысгӕрст бабар кодтой фӕдысгарӕн къордӕн, кӕцы арӕзт ӕрцыд Республикӕ Хуссар Ирыстоны Генералон прокуратурӕйы Фӕдысгарӕн управленийы фӕдысгарджытӕй, стӕй Республикӕ Хуссар ирыстоны Мидхъуыддӕгты министрады оперативон кусджытӕй.