Прокуратурӕйы оргӕнты кусджыты профессионалон бӕрӕгбоны фӕдыл раарфӕ кодта Республикӕйы Генералон прокурор Собаты Григорий. Уый фӕнысан кодта цӕстдарды оргӕны кусджыты ӕмзонд ӕмӕ профессионалон куыст, йӕ зӕрдӕ сын загъта, цӕмӕй сӕ къухы бафта дарддӕр ӕнтыстдзинӕдтӕ закъондзинад ӕмӕ барадон ӕгъдау фидар кӕныны хъуыддаджы.

Йӕ службӕйы хӕстӕ ӕнӕзӕрдӕхудт кӕй ӕххӕст кӕны, уый тыххӕй Генералон прокурор схорзӕхджын кодта прокуратурӕйы оргӕнты уӕлдай тынгдӕр чи фесгуыхт, уыцы кусджыты.

Республикӕ Хуссар Ирыстоны Генералон прокурорӕн ӕмӕ прокуратурӕйы коллективӕн раарфӕ кодтой Республикӕ Хуссар Ирыстоны Президент Гаглойты Алан, Хицауады Сӕрдар Джуссойты Константин, Парламенты Сӕрдар Мӕргъиты Алан ӕмӕ Сӕйраг тӕрхондоны Сӕрдар Джиоты Витали. Уымӕй уӕлдай арфӕ ӕрвыст ӕрцыд Уӕрӕсейы Федерацийы Генералон прокурор Игорь Красновӕй.