Абон Республикӕ Хуссар Ирыстоны Генералон прокуратурӕйы уагъ æрцыд аттестацион къамисы пъланон ӕмбырд, юстицийы хистӕр уынаффӕгӕнӕг Цхуырбаты Иринӕ, Республикӕ Хуссар Ирыстоны Генералон прокуроры хӕдивӕгы сӕрдариуӕгӕй.

Фыццаг аттестаци ӕнтыстджынӕй ацыдысты дыууӕ ӕвзонг специалисты – Республикӕ Хуссар Ирыстоны Æфсӕддон прокуратурӕйы ӕмӕ Дзауы районы прокуратурӕйы кусджытӕ, уыдон радтой прокуроры (фæдагурæджы) ард ӕмӕ сæ аттестацион къамис раразмӕ кодта къласы чинтӕ раттыны тыххӕй. Афтæ ма аттестаци ацыдысты Республикӕ Хуссар Ирыстоны Генералон прокуратурӕйы центрон аппараты дыууӕ прокуророн кусӕджы дæр, цы бынӕтты кусынц, уыдонмæ сæ бæзгæдзинад сбæрæг кæныны тыххæй.

Аттестацион къамисы уынаффӕмӕ гӕсгӕ, профессионалон цӕттӕдзинады ӕмвӕзадӕн алывӕрсыгӕй аргъ кӕныны бындурыл кусджыты сӕрмагонд ӕмӕ хъуыддаджы миниуджытыл объективон ӕрныхас кӕнгӕйӕ, сӕ службӕйон архайды фӕстиуджытӕ хынцгӕйӕ, аттестацигонд чи цӕуы, уыдон се'ппӕт дӕр нымад ӕрцыдысты, цы бынӕттӕ ахсынц, уыдонӕн ӕмбӕлон хуызы. Вӕрд сын ӕрцыд бӕлвырд амынддзинӕдтӕ профессионалон архайд дарддӕр фӕхуыздӕр кӕныны ӕмӕ куысты эффективондзинад фӕбӕрзонддӕр кӕныны фӕдыл.

Республикӕ Хуссар Ирыстоны прокуратурӕйы аттестацион къамисы уӕнгтӕ раарфӕ кодтой ӕрыгон специалисттӕн сæ райдиан аттестаци ацӕуыны тыххӕй.