Прокуратурӕйы органты кусджыты разӕнгард кӕныны системӕ фӕхуыздӕр кӕныны, службӕйы хӕстӕ ӕнӕзӕрдӕхудтӕй ӕххӕст кӕныны, прокуроры службӕйы традицитӕ бахъахъхъӕныны, стӕй Хуссар Ирыстоны прокуратурӕйы органты зынгӕ паддзахадон архайӕг ӕмӕ бындурӕвӕрджытӕй иу – Санахъоты Къыбылы фырт Матейы, Республикӕ Хуссар Ирыстоны Генералон прокуратурӕйы арӕзт ӕрцыд уагдонадон хӕрзиуӕг – Санахъоты Матейы номыл риуылдаргӕ нысан (майдан) «Хи бӕрнондзинад ӕмӕ хӕсыл иузӕрдион уӕвыны тыххӕй».

Ӕмбӕлон бардзырд бафыста Республикӕ Хуссар Ирыстоны Генералон прокурор, юстицийы 3 къласы паддзахадон уынаффӕгӕнӕг Собайты Григорий. Бардзырдӕй ма фидаргонд ӕрцыдысты майданы тыххӕй Уагӕвӕрд.

Хæрзиуæг хæссы Санахъоты Къыбылы фырт Матейы ном – Республикæ Хуссар Ирыстоны прокуратурæйы органты бындурæвæрджытæй сæ иу, Сыгъдæг Георгийы æнæхъæн кавалер, паддзахадон архайæг, кæцыйæн йæ цадвæндаг офицерæй прокуроры онг уыд хи бæрдзинад, лагдзинад æмæ хæсыл æнувыддзинады дæнцæг.

Майданæй хорзæхджын цæудзысты Республикæ Хуссар Ирыстоны прокуратурæйы органты кусджытæ, уагдоны ветерантæ æмæ пенсиисджытæ, афтæ Республикæ Хуссар Ирыстоны æмæ æндæр паддзахадты æмбæстæгтæ, паддзахадон органты, барадон, зонадон, æхсæнадон æмæ ветеранон организациты минæвæрттæ.

Прокуратурӕйы кусджыты схорзӕхджын кӕнынӕн бындурты 'хсӕн ис прокуроры архайды зынгӕ фӕстиуджытӕ, закъонад ӕмӕ барадон фӕтк фидар кӕнынмӕ зынгӕ хайбавæрд, дӕргъвӕтин ӕмӕ ӕнӕаипп службӕ, стӕй службӕйы хӕстӕ ӕххӕст кӕнгӕйӕ лӕгдзинад ӕмӕ удуӕлдайдзинад.

Гæнæн ис æмæм хорзæхджын æрцæуой, прокуратурӕйы кусджыты тыххӕй историон ном бахъахъхъӕнынмӕ зынгӕ ӕвӕрӕн чи бахаста, историон ӕрмӕджытӕ ахуыр кӕнын ӕмӕ сӕ къахыл слӕууын кӕнынмӕ, Фыдыбӕстӕ хъахъхъӕнджыты ном сӕнусон кӕнынмӕ, прокуророн службӕйы традицитӕ райрӕзын кӕнынмӕ ӕмӕ фӕлтӕрты фӕдондзинадмӕ зынгӕ ӕвӕрӕн чи бахаста, уыцы адӕймӕгты схорзӕхджын кӕнын.

Санахъоты Матейы номыл майдан саразыны нысан у прокуратурӕйы органты историон фӕдфӕливӕндзинад ӕмӕ традицитӕ бахъахъхъӕнын, стӕй ӕвзӕрст хъуыддагыл службӕйы хӕсмӕ, бӕрнондзинадмӕ ӕмӕ иузӕрдиондзинадмӕ аргъгӕнӕг ахаст саразын.