Республикæ Хуссар Ирыстоны цæстдарды уагдоны кусджытæн уагъд цæуынц лекцитæ. Рухстауæн лекцитæ уадзынц Уæрæсейаг æхсæнад «Знание»-йы минæварад Хуссар Ирыстоны.
Фыццаг бон лекциты циклы хъусджытӕн уагъд æрцыд дыууӕ темӕйы: "Мӕнг информаци ӕмӕ манипуляци ИИ-йы технологиты фӕрцы куыд сӕйраг киберопасность" ӕмӕ "Хуызджын революци" куыд паддзахадон фӕфӕлдӕхты технологи". Хъусджыты раз раныхас кодта политикон зонæдты кандидат, ХИПУ-йы политологи ӕмӕ социологийы кафедрӕйы профессор, Хуссар Ирыстоны зонады сгуыхт архайӕг Плиты Сослан.
Йӕ раныхасы рӕстӕг Плиты Сослан лӕмбынӕг ӕрдзырдта йæ равзаргæ темæтыл, райхӕлдта сӕ бӕлвырд дӕнцӕгтыл. Цӕвиттон, ӕхсӕнад "Знание"-йы лектор Плиты Сослан радзырдта, алы бӕстӕты "хуызджын революцитӕ" аразынӕн цавӕр политикон технологитӕй пайда кодтой, уый, радзырдта хъусджытӕн, нырыккон ИИ-технологитӕ информацион ӕртхъирӕнты характер куыд ивынц, уый. Уыдон фӕрцы фейктӕ ӕмӕ дипфейктӕ арӕзт цӕуынц хъæдджынæй ӕмӕ тагъд парахат кӕнынц.
Фӕбӕрӕг кӕнӕм, лекциты цикл Хуссар Ирыстоны прокуратурӕйы органты кусджытӕн уагъд кæй цӕудзӕн цалдӕр боны дӕргъы актуалон темӕтыл.