Республикæ Хуссар Ирыстоны цæстдарды уагдоны кусджыты базонгæ кодтой республикæйы Генералон прокуроры фыццаг хæдивæгимæ. Уый у Кожиты Владимиры фырт Сосланбек.
Республикæ Хуссар Ирыстоны Генералон прокуроры фыццаг хæдивæджы биографион зонæнтæ:
Райгуырд 1992 азы Республикæ Цæгат Ирыстон-Аланийы.
Уæлдæр ахуырад райста Хетæгкаты К. Л. фырты номыл Цæгат Ирыстоны паддзахадон университеты «Юриспруденци»-йы дæсныйадыл.Æндæр æмæ æндæр азты куыста Уæрæсейы Федерацийы Нижегородон областы прокуратурæйы органты, Ямало-Ненецкы автономон зылды, Республикӕ Цӕгат Ирыстон-Аланийы прокуратурæйы, афтæ ма Цӕгат Ирыстоны фӕсивӕды хъуыддӕгты, физикон культурӕйы ӕмӕ спорты Министрады.
Æфсæддон службæ рацыд 2013 азæй 2014 азмæ Уæрæсейы Федерацийы.