Аттестацион къамисы рабадт уагъд æрцыд Республикæ Хуссар Ирыстоны Генералон прокуроры хæдивæг Цхуырбаты Иринæйы разамындæй.

Цæстдарды уагдоны аттестацион къамис æвзæрста фарст, цæмæй Республикæ ХУссар Ирыстоны Генералон прокуратурæйы Фæдагурæн управленийы хайады фæдагурæгæн лæвæрд æрцæуа сæрмагонд чин «юстицийы кæстæр уынаффæгæнæг».

Рабадты рæстæджы хайады сæргълæууæг бахахх кодта фæдагурæджы профессионалон миниуджытæ, афтæ ма ранымадта цы хорзæхтæ йын æрцыд лæвæрд цалынмæ республикæйы Мидхъуыддæгты министрады Фæдагурæн управленийы куыста, уыдон.

Аттестацийы хатдзæгтæм гæсгæ къамисы уæнгтæ радтой æвæрццаг нысан фæдагурæджы теоретикон зонындзинæдтæн æмæ гоймаджы миниуджытæн.

Къамисы уæнгтæ се ‘мкусæгæн раарфæ кодтой, зæрдæбынæй йын загътой цæмæй йæ куыст закъон æмæ барадхъахъхъæнынады сæрвæлтау æххæст кæна.