Генералон прокуратурӕйы уыд ӕмбырд ӕхсӕнгарзы зилдухы закъонондзинад сбӕрӕг кӕныны фарстайы фӕдыл.

Ӕмбырды хайад райстой Республикӕ Хуссар Ирыстоны Генералон прокуроры хӕдивджытӕ, горӕт ӕмӕ районты прокурортӕ, стӕй Республикӕ Хуссар Ирыстоны Ӕфсӕддон прокурор.

Республикӕ Хуссар Ирыстоны Генералон прокурор Собайты Григорий ӕмбырды архайджыты раз сӕвӕрдта хӕс, цӕмӕй сбӕрӕг кӕной ӕхсӕнгарз дарыны закъонондзинад ӕмӕ йӕ раттыны бӕлвырд фӕтк ӕххӕст кӕной.

Ӕмбырды рӕстӕджы Генералон прокурор бахæс кодта, цӕмӕй, Республикӕ Хуссар Ирыстоны уӕвынады рӕстӕджы ӕппӕт хӕцӕнгӕрзтӕ самал кӕнынӕн цы лицензитӕ радтой, уыдоны иумӕйаг нымӕц сбӕлвырд кӕной, стӕй бацӕттӕ кӕной, хӕцӕнгарзӕй хорзӕхджынгонд чи ӕрцыд, уыдоны номхыгъдтӕ.

Уымӕй уӕлдай, хӕсгонд ӕрцыд, цӕмӕй сбӕрӕг кӕной, республикӕйы сӕйраг сахары ӕмӕ районты территорийыл цы регистрацигонд хӕцӕнгӕрзтӕ ис, уыдоны нымӕц ӕмӕ сбӕрӕг кӕной, домӕнтӕ ӕмӕ йӕ ӕвӕрыны ӕмгъуыдтӕ куыд ӕххӕстгонд цӕуынц, уый.

Уый размӕ Республикӕ Хуссар Ирыстоны Президент Хъамболты Марат бафыста бардзырд республикӕйы хӕцӕнгӕрзты зилдухы закъонондзинад сбӕрӕг кӕныны тыххӕй. Генералон прокуратурӕйы бардзырдмӕ гӕсгӕ хӕсгонд ӕрцыд æмбæстагон, службӕйон, хӕстон ӕхсӕг ӕмӕ уазал хӕцӕнгӕрзты зилдухы закъонондзинад сбӕрӕг кӕнын.

Къуырийы фæудмæ фæнд кæнынц, цæмæй уагъд æрцæуа координацион æмбырд ауадзын алкæцы уагдонимæ, ацы фарст кæмæ хауы, уыдонæй.