Республикæ Хуссар Ирыстоны Генералон прокурор Собайты Григорий раарфæ кодта Республикæ Абхазы Генералон прокурор Адгур Агрбайæн Абхазы прокуратурæйы профессионалон бæрæгбоны цытæн.

Арфæйы фыстæджы фыст ис:

«Цытджын Адгур Нугзары фырт!

Республикæ Хуссар Ирыстоны Генералон прокуратурæйы коллективы æмæ мæхи номæй райсут иууыл зӕрдиагдӕр арфӕтӕ нысаниуӕгджын боны фӕдыл – Республикӕ Абхазы прокуратурӕйы оргӕнты сырæзты 32-ӕм азы фӕдыл.

30 аз – æнæхъæн дуг у ӕфсымӕрон Абхазы ног историйы.

Паддзахадон цардарӕзты уæззау уавæрты, Абхазы прокуратурæйы органтæ ссисты закъон æмæ барадон фæтчы уарт. Уæ архайд кæддæриддæр уыд ӕмӕ у æмбæстæгты бартӕ ӕмӕ сӕрибардзинӕдтӕ, ӕхсӕнад ӕмӕ паддзахады цымыдистæ хъахъхъӕныны ахсджиагдӕр гарант.

Ацы бӕрӕгбоны мах стыр бузныг зӕгъӕм уагдоны ветерантӕн, прокура-турӕйы саразыны гуырӕнты чи лӕууыд, уыдонӕн, ӕмӕ ныры кусджытӕн сӕ хӕсыл иузӕрдион кӕй сты, лӕгдзинад ӕмӕ принципиалондзинады тыххӕй.

Уӕлдай бузныджы ныхас Дын сӕрмагондӕй зӕгъӕм дӕ профессионалондзинад, зонд ӕмӕ закъоны дамгъӕйы фæдыл ӕнӕфӕцудгӕ дæ куыст кæй æххæст кæныс. Дӕ къухдариуæгады бын республикӕйы прокуратурӕ дарддӕр дӕр ахадгӕ хуызы ӕххӕст кӕны закъонад ӕмӕ барадон фӕтк фидар кӕныны хӕстӕ, рӕстӕджы сидтытӕн аккаг дзуапп дӕтгӕйӕ.

Нӕ зӕрдӕ Уын зӕгъы фидар ӕнӕниздзинад, ӕвидигӕ хъару, ӕнтыстытӕ уæ уæзгæ, фӕлӕ ахӕм бӕрнон куысты Абхазы Республикӕйы пайдайӕн. Уӕ архайд кӕддӕриддӕр рӕстдзинадӕй бӕрӕггонд уӕд, бинонты 'хсӕн та фарн ӕмӕ хӕрзӕфснайд паддзахиуӕг кӕнӕд».