Республикӕ Хуссар Ирыстоны Генералон прокуратурӕйы Фæдагурæн управленийы кусджытӕ Мӕскуыйы А. Я. Сухаревы номыл Фӕдагурӕн комитеты академийы квалификаци фӕбӕрзонддӕр кӕныны программӕйы фӕлгӕты ахуыр рацыдысты.

Республикæ Хуссар Ирыстоны Æфсæддон прокуратурæйы фæдсгарæг æмæ Республикæ Хуссар Ирыстоны Генералон прокуратурæйы Фæдагурæн управленийы дыууæ фæсгарæджы сæ квалификаци фæбæрзонддæр кодтой ахæм фадыджы, куыд: «Информацион-коммуникацион технологитæй пайдагæнгæйы цы фыдракæндтæ арæзт цæуы, уыдон фæдсгарсты хъуыддаджы». Дыууæ къуырийы дæргъы прокуратурæйы кусджытæ сæ профессоналон зонындзинæдтæ арфдæр кодтой, цæмæй сæ сомбон сæ практикон куысты пайда кæной.

Æввахс рæстæджы ма Мæскуымæ ацæудзæнис фæдсгарджыты иу къорд. Уыдонæн сæ ахуыры темæ уыдзæнис: «Гоймаджы ӕмӕ ӕнахъомты ныхмӕ арӕзт фыдракӕндтæ, кӕнӕ ӕнахъомты арæзт фыдракæндтæ фӕдӕвзарӕн».

Республикæ Хуссар Ирыстоны Генералон прокуратурæ æмæ Уæрæсейы Федерацийы Фæдагурæн комитеты æхсæн æмгустады бадзырд архайы 2016 азæй фæстæмæ, æмæ рагхыгъд кӕны активон ӕмархайд профессионалон цӕттӕдзинады къабазы ӕмӕ кусджыты квалификаци фӕбӕрзонддӕр кӕныны хъуыддаджы.