2023 азы 28 февралы 12 сахат ӕмӕ 05 минутмӕ хӕстӕг горӕт Цхинвалы Харебайы фырты уынг ӕмӕ Нӕузӕххонты уынгты сныдзӕвӕны, горӕт Цхинвалы райгуырӕг ӕмӕ цӕрӕг, 1985 азы гуырд цалдӕр ӕхсты фӕкодта 1986 азы гуырд Мамиты Ричард Отары фырты йӕ амарыны фӕндимӕ, раздӕр се ‘хсӕн фыдзӕрдӕйы ахастытӕ кӕй уыд, уый аххосӕй.

Хуыгайы фырты уыцы ӕхстыты фӕстӕ Мамийы фырт фӕмард йӕ бынаты, зынгӕхстӕй фӕцӕф фӕмардуӕвӕджы 2019 азы гуырд ӕнахъом фырт. Лӕппуйӕн операци скодтой РММЦ-йы, фӕлӕ йӕ уавӕр у уӕззау.

Ацы фыдракӕнд ӕвӕрд кӕуыл цӕуы, уый барвӕндӕй ӕрбацыд барадхъахъхъӕнӕг органтӕм ӕмӕ радта йӕ марӕнгарз.

Ацы цауы фӕдыл Республикӕ Хуссар Ирыстоны Сӕйраг прокуроры хӕстӕ ӕххӕстгӕнӕг Битеты Сергей байгом кодта уголовон хъуыддаг УФ УК 105 статьяйы 2 хайы пункт «е», 30 статьяйы 3 хайы пункт «а», 105 статьяйы 2 хай ӕмӕ 222 статьяйы 1 хаймӕ гӕсгӕ.

Ныртӕккӕ бацамынд хъуыддаджы фӕдыл уагъдӕуы ӕнӕмӕнгхъӕуӕг оперативон-фӕдысгарӕн мадзӕлттӕ фыдракӕнды ӕппӕт ӕвдисӕйнӕгтӕ рабӕлвырд кӕныны охыл.