Республикӕ Хуссар Ирыстоны Генералон прокуратурӕ дарддӕр кӕны системон куыст кусджыты профессионалон цӕттӕдзинад фидар кӕныныл ӕмӕ барадон культурӕ рӕзын кӕныныл.

Республикæ Хуссар Ирыстоны Генералон прокурор Собайты Григорийы бардзырдмæ гæсгæ фидаргонд æрцыд лекциты пълан-график прокуророн кусджытæн – хæдивджытæн, хистæр прокурортæн, прокурортæн æмæ прокурорты æххуысгæнджытæн, ӕмӕ уый нысан кæны прокуророн службӕйы ӕппӕт ӕмвӕзӕдты дӕр нысангонд куыст. Ахуыртӕ аразыны ӕмӕ сæ ауадзыны тыххæй бӕрндзинад хæссы Генералон прокуроры хӕдивӕг Къӕбулты Тигран.

Ацы пъланы реализаци у ахсджиаг къахдзæф прокуратурæйы куысты фæхуыздæр кæныны хъуыддаджы, кæд æмæ канд теоретикон зонындзинæдтæ æмæ прокуратурæйы кусджыты практикон арæхстдзинæдтæ нæ фæхуыздæр уыдзысты, фæлæ ма закъон æмæ æмбæстæгты бартæ хъахъхъæнынады хӕстӕ ахадгӕдӕр ӕххӕст кӕнын.