Республикӕйы скъолаты арӕзт ӕрцыдысты бӕрӕгбоны линейкӕтӕ, ахуыры аз фӕуыны номыл.

Прокуратурӕйы кусджытӕ раарфӕ кодтой рауагъдонтӕн ацы ахсджиаг цауы тыххӕй.

Цхинвалы районы прокурор Уалыты Алан бабӕрӕг кодта Громы хъӕуы астӕуккаг скъола, Ленингоры та 1-ӕм скъолайы бӕрӕгбоны уыдысты Генералон прокуроры хӕдивӕг Плиты Алан, Ленингоры районы прокурор Гуырцъыты Давид ӕмӕ Генералон прокуратурӕйы хайады хистӕр прокурор Марданты Василий.

Генералон прокуроры хӕдивӕг Къӕбулты Тигран ӕмӕ Знауыры районы прокурор Цхуырбаты Хъазбег арфӕ ракодтой Знауыры районы Мугуты хъӕуы иунӕг скъолайы рауагъдон.

Прокуратурӕйы минӕвӕрттӕ раарфӕ кодтой, цӕмӕй рауагъдонтӕ ӕнтыстджынӕй радтой фӕлварӕнтӕ, сӕххӕст кӕной сӕ размӕ ӕвӕрд нысантӕ ӕмӕ рухс фидӕн, скъолатӕн та – сӕ дарддӕры аентыстдзинадмæ схизын.