Республикæ Хуссар Ирыстоны Генералон прокуратурæйы Фæдагуырды хайад сахар Цхинвалы 32-аздзыд (1994 азы гуырд) цæрæджы ныхмæ байгом кодта уголовон хъуыддаг ахæм фыдракӕндты ӕууӕлтӕм гӕсгӕ, рагзагъд ч.1 ст. 222 ӕмӕ ч. 3 ст. 30, ч. 1 ст. 105 УК УФ (хӕцӕнгӕрзтӕ ӕнӕзакъонӕй дарын ӕмӕ марынмӕ хъавын).

Фӕдсгӕрсты бӕрӕггӕнӕнтӕм гӕсгӕ, гуырысхойаг, нозтджын уӕвгӕйӕ, йӕ цардӕмбалимӕ цы хыл рацыд, уым ӕм хæцæнгарз ныдардта æмæ йæ хъавыд фехсынмæ. Йæ æмкъайы æмбал лæбурæджы къух асхоста, æмæ уымæ гæсгæ нæмыг сæмбæлд сæ фарсмæ чи лæууыд, уыцы чызгыл.

Хъыгдард баййафӕг ӕвӕстиатӕй ласт ӕрцыд Республикон бирӕпрофилон медицинон центрмӕ (РММЦ). Уым дохтыртӕ скодтой уӕлрадон операци. Хъыгдард баййафӕджы йæ уавӕрмæ гӕсгӕ бахъуыди æндæр рынчындонмæ арвитын.

Гуырысхойаг ахст ӕрцыд УФ УПК-йы 91 уацы фӕткмӕ гӕсгӕ фæдагуырды куырдиаты бындурыл Цхинвалы тӕрхондон уый ныхмӕ равзӕрста уромӕн мадзал ахсты хуызы.

Ныртӕккӕ уголовон хъуыддаджы ӕххӕстгонд цӕуы фӕдсгарӕн ӕмӕ процессуалон архайды комплекс. Фӕдсгӕрст спълан кодта цалдӕр тӕрхоны экспертизӕйы, уыдонимӕ баллистикон ӕмӕ тӕрхонон-медицинон экспертизӕтӕ, стӕй ӕндӕр мадзӕлттӕ саразын, сӕ нысан у цауы ӕппӕт уавӕртӕ алывӕрсыгӕй, ӕххӕстӕй ӕмӕ объективон ӕгъдауӕй сбӕрӕг кӕнын ӕмӕ бӕлвырдгӕнӕн бындур ӕрӕмбырд кӕнын.