Республикӕ Хуссар Ирыстоны Генералон прокурор тӕфӕрфӕсы телеграмм арвыста Республикӕ Хуссар Ирыстоны Минӕвар Абхазы Республикӕйы Боциты Олегы бинонтӕм.
Ныстуаны Республикӕ Хуссар Ирыстоны Генералон прокуратурӕйы ӕппӕт коллективӕй цӕстдарды уагдоны разамонӕг арф тӕфӕрфӕс ракодта хиуӕттӕн ӕмӕ хӕстӕджытӕн, Республикӕ Хуссар Ирыстоны Минӕвар Абхазийы Республикӕйы Боциты Ильяйы Фырт Олег цардӕй кӕй ацыд, уый фӕдыл.
"Ахуыргонд ӕмӕ куырыхон адӕймаг уӕвгӕйӕ, Олег Ильич стыр ӕвӕрӕн бахаста Хуссар Ирыстон ӕмӕ Абхазы 'хсӕн дыууӕфарсон ахастдзинӕдты рӕзтмӕ. Йӕ адзал не 'ппӕтӕн дӕр у тынг зын. Фӕразондзинад ӕмӕ хиуылхӕцындзинад уын ацы хъыджы бонты", - загъдӕуы телеграммӕйы.