Уӕрӕсейы Федерацийы Генералон прокурор Гуцан Александр официалон арфӕйы фыстӕг арвыста Республикӕ Хуссар Ирыстоны Генералон прокурор Собайты Григоримӕ, Цӕгат столицӕйы цы кусӕн фембӕлд уыд, уый кӕй ахицӕн, уый фӕдыл.
Йӕ ныстуаны Уӕрӕсейы цӕстдарды уагдоны сӕргълӕууӕг бахахх кодта сӕрмагонд базонгӕйы ахадындзинад ӕмӕ раарфӕ кодта хуссарирыстойнаг ӕмкусӕгӕн, цы диалог арӕзт ӕрцыд, уый тыххӕй. Гуцан Александр куыд фӕбӕрӕг кодта, афтӕмӕй бадзырдты ӕууӕнкджын характер дзурӕг у, уӕрӕсейаг-хуссарирыстойнаг ӕмгуыстад барадхъахъхъӕныны къабазы дарддӕр фидардӕр кӕныны фарс кӕй у, ууыл. Уый ма загъта йӕ ныфс, фембӕлды фӕстиуджытӕм гӕсгӕ бафыст бадзырд ӕмӕ ӕмгуыстады Программӕ фадат кӕй ратдзысты дыууӕ бӕстӕйы прокуратурӕты ӕмархайд ног ӕмвӕзадмӕ ракӕнынӕн, иумӕйаг куысты ахадындзинад фӕбӕрзонддӕр кӕнынӕн ӕмӕ транснацион фыдракӕндты ныхмӕ тохы архайды ӕнтыстджындӕрӕй координаци кӕнынӕн ахъаз кӕй уыдзысты, уымӕй.
Йӕ рады Собайты Григорий раарфӕ кодта Гуцан Александрæн, Бетъырбухы уӕвыны бонты хуссарирыстойнаг делегацийӕн цы хорз фембæлд уыд, уый тыххӕй. Дзуаппон ныхасы уӕлдай тынгдӕр рахицӕн кодта, цы диалог арӕзт ӕрцыд, уый конструктивондзинад.:
«Баныхӕсты фӕстиуджытӕм гӕсгӕ фидаргонд ӕмархайды Программӕ нӕ уагдӕтты 'хсӕн гом кӕны ног гӕнӕнтӕ – фадат дӕтты, цы сидтытӕ дзы ис, уыдоныл канд предметонӕй ӕрдзурынӕн нӕ, фӕлӕ ма сӕ алыг кӕныны бӕлвырд фӕндӕгтӕ ӕвӕстиатӕй ссарынӕн дӕр. Уырны мӕ, цы бадзырдтӕ сарӕзтам, уыдон кӕй суыдзысты фидар бындур дарддӕры бӕркадджын ӕмгуыстадӕн. Цы ӕхсӕнуагдонон ахастдзинӕдтӕ сӕвзӕрд, уыдонӕн стыр аргъ кӕнӕм ӕмӕ нӕ зӕрдӕ дарӕм сӕ ӕппӕтвӕрсыгӕй фидар кӕныныл. Адӕймаджы бартӕ ӕмӕ сӕрибардзинӕдтӕ хъахъхъӕныны къабазы иумӕйаг куыст, стӕй транспортон фыдракӕндты ныхмӕ архайды консолидаци кӕнын сты нӕ ӕнӕгуырысхойаг приоритеттӕ. Ахӕм бӕрзонд ӕмвӕзадыл ӕмархайд нын фадат дӕтты нӕ размӕ ӕвӕрд хӕстӕ ахадгӕдӕр ӕххӕст кӕнынӕн ӕмӕ уӕлдӕр бынат ӕнӕфӕцудгӕйӕ фидар кӕнынӕн».
Дыууӕ паддзахады прокуратурӕты сӕргълӕуджыты фембӕлд бафидар кодта дыууӕрдӕмон зӕрдӕйы уаг стратегион лымӕндзинад арфдӕр кӕныны тыххӕй ӕмӕ сси ахсджиаг къахдзӕф дыууӕрдӕмы ӕхсӕнуагдонон диалоджы рӕзты.