Алы суверенон паддзахад дæр рацыд ахæм къæпхæнтыл, кæцыты рæстæджы йæ хæдбардзинад домы канд арæнты хъахъхъæнынад нæ, фæлæ ма карз барадон фидардзинад дæр. Республикӕ Хуссар Ирыстонӕн хицаудзинады институттӕ аразыны ӕмӕ республикӕйы хӕдбар прокуророн системӕйӕн барадон хыгъды сӕйраг къахдзӕф сси бындурон Закъон «Республикӕ Хуссар Ирыстоны Прокуратурӕйы тыххӕй» сфидар кӕнын.

1995 азы 29 сентябры Республикæ Хуссар Ирыстоны Уæлдæр Цæдис райста «Республикæ Хуссар Ирыстоны Прокуратурæйы тыххæй» Закъон. Уæлдæр Цæдисы бардзырдмæ гæсгæ, закъон уыцы бонæй бацыд йæ тыхы; гæххæт мыхуыргонд æрцыд газет «Южнаæ Осетия»-йы 73 номыры 7 октябры 1995 азы.

Ацы уынаффæ, кæцы ист æрцыд тынг уæззау хæстон-политикон уавæрты, нысан кодта цæстдарды органты фактон уæвынадæй кæй рахызтысты нормативон фидаргонд моделмæ: бæлвырд нысан æрцыдысты прокуратурæйы хæстæ, йæ структурæ, йæ архайды къабӕзтӕ ӕмӕ бартӕ.

Фæстæдæр барадон системæйы размæдзыды ног къæпхæн æрлæууыд, ист куыд æрцыд Республикæ Хуссар Ирыстоны Закъон «Республикæ Хуссар Ирыстоны Прокуратурæйы тыххæй» 2007 азы 10 октябрæй. Уыцы акт фӕбӕлвырддӕр кодта цӕстдарды предмет, ныффидар кодта адӕймаджы ӕмӕ æмбæстаджы бартӕ ӕмӕ сӕрибардзинӕдтӕ хъахъхъӕныны приоритет, аиуварс кодта æмбæстæгты закъæттӕ ӕххӕст кӕнынмӕ цӕстдард ӕмӕ сфидар кодта хӕдзарадон архайдмӕ ныхилыны бар. Закъонмӕ иудадзыг хаст цыдысты ивддзинӕдтӕ (уыдонимӕ 2025 азы 14 апрелы 6-ӕм редакци дӕр), Республикӕ Хуссар Ирыстоны Президенты бардзырдмæ гӕсгӕ та 2025 азы 29 апрелы № 90 фидаргонд ӕрцыд прокуратурӕйы органты службӕ кӕныны тыххӕй ног Уагӕвӕрд. Уымӕй уагдоны барадон бындур лӕвӕрд ӕрцыд паддзахадон службӕйы ӕмӕ цӕстдарды организацийы актуалон домӕнтимӕ.

Абон, дæсгай æзты цы традицитæ æмæ нырыккон нормативон базæтыл бындуриуæг кæнæм, Республикæ Хуссар Ирыстоны прокуратурæйы органтæ дарддæр дæр хуыздæрæй-хуыздæр кæнынц сæ цæстдарды механизмтæ, паддзахады æмæ алы æмбæстаджы цымыдистæ хъахъхъæнгæйæ.