Сахар Краснодары уагъд æрцыд XI Æхсæнадæмон зонадон-практикон конференци «Барады цард: барадон теори, барадон традици æмæ барадон æцæгдзинад». Конференцийы хайад райста Хуссар Ирыстоны Дзауы районы прокурор, ХИПУ-йы уголовон барады кафедрæйы хистæр ахуыргæнæг Гæззаты Георгий.

Мадзалы бацæттæ кодта Кубаны паддзахадон университеты А. А. Хмыровы номыл юридикон факультет.

Цæстдарды уагдоны минæвар йæ раныхасы æрдзырдта паддзахадон цардарӕзты барадон ӕрдзыхъӕдыл ӕмӕ нырыккон ӕппӕтадӕмон барады сӕйраг коллизитыл. Раныхасы бындуры ӕвӕрд ӕрцыд Республикӕ Хуссар Ирыстоны барадон статусы арф иртасындзинад. Дзауы районы прокурор йæ доклады равдыста дæргъвæтин историкон-барадон ныхмæлæуды системон анализ, æмæ сбæлвырд кодта Уæрæсейы Федерацийы уынаффæ, 2008 азы республикæйы хæдбардзинад банымайы тыххæй кæй нæ уыд изолæцигонд политикон уынаффæ. Ахæм уынаффæ хаст æрцыд, Гуырдзыстон бирæ æзтæ тыхмийы политикæ кæй уагъта, кæцыйæн йæ райдайæн уыд 1920 азы трагикон цауты æмæ Тбилис советон закъонæвæрынад иуварсонæй кæй фехæлдта.

Æхсæнадæмон-барадон прецеденттыл бындуриуæггæнгæ, Гæззаты Георгий бафидар кодта Паддзахад Аланийы суверенитеты легитимондзинад куыд иунæг механизм, кæцы хъахъхъæны Хуссар Ирыстоны æмбæстæгты æддагон агрессийæ. Афтæ ма автор банысан кодта республикæ дзуапп кæй дæтты Монтевидеойы 1933 азы конвенцийы критеритæн. Барадон практикӕ ӕмӕ паддзахадон цард фидар кӕныны цӕстӕй кӕсгӕйӕ, Гӕззаты Георги рахицӕн кодта, Хуссар Ирыстон ӕмӕ Уӕрӕсейы ӕхсӕн цы бадзырдон-барадон ӕмӕ интеграцион механизмтӕ арӕзт цӕуы, уыдоны сӕрмагонд бынат. Йӕ хъуыдымӕ гӕсгӕ, номхуындӕй интеграцион барадон модель у ӕппӕты ахадгӕдӕр ӕмӕ реалистондӕр дзуапп, хайгай ӕппӕтадӕмон банымады режим цы сидтытӕ гуырын кӕны, уыдонӕн, фидардзинад ӕмӕ барадон фӕтк фидар кӕнгӕйӕ.

Æхсæнадæмон конференцийы куысты хайад райстой зонадон институтты минæвæрттæ, ахуыргæнджытæ, практикон юристтæ æмæ студенттæ.

Мадзалы архайджытæн фадат уыд сæ куыстытæ ныммыхуыр кæнын.