Дзауы прокуратурæйы куысты ацы азы дыккаг æмбысы пъланмæ гæсгæ лекци уагъд æрцыд ахæм темæйыл: «Дзауы районы ӕнахъомты фыдракӕндты профилактикӕ».

Дзауы районы прокурор Гæззаты Георгий цы мадзал ауагъта, уырдæм æрæмбырд сты барадхъахъхъæнæг органты минæвæрттæ, уыдонимæ иумæ районы мидхъуыддæгты Управленийы æнахъомты хъуыддæгты фæдыл инспекцийы къухдариуæгад æмæ кусджытæ.

Лекцийы нысаниуæг у ӕнахъомты 'хсӕн фыдракӕндтӕ фӕдзӕхсыны куысты эффективондзинад фӕбӕрзонддӕр кӕнын ӕмӕ ӕртхъирӕнтӕн афоныл дзуапп дӕттын. Прокуратурæ йæ хъус тынгдæр дары, цæмæй ма æнхъæлмæ кæсой, цалынмæ административон фыдракæнд уголовонмæ райрæза, æмæ рæстæгыл мадзæлттæ аразой. Уый домы цы структурæтæ дзы ис, уыдонæй рæвдздзинад.

Районы профилактикон куысты хицӕндзинад у формалон ахастыл фӕуӕлахиз уӕвын ӕмӕ хъӕуты къуындӕг ресурсты уавӕрты ахадгӕ ӕхсӕнуагдонон ӕмархайд нывыл сӕвӕрын.

Лекцийы рæстæджы Дзауы районы прокурор Гæззаты Георгий банысан кодта æнæмæнгхъæуæг ориентиртæ. Уый банысан кодта, статистикæмæ нæ, фæлæ æцæг фæстиуджытæм кæй хъæуы кæсын, куысты эффективондзинад барст ма цæуа, цал бинонтæ бабæрæг æрцыдысты, фæлæ реалон фæстиуджытæй, ома, æнахъомы уагахаст куыд фæивта æмæ хыгъдæй ис æрцыд. Прокурор банысан кодта, æнæмæнгæй кæй хъæуы анализ кæнын æгъдаухалæн уагахасты аххосæгтæ. Зæгъæм, бинонты æнæрæстдзинад, социалон изоляци, хистæрты æппæрццаг æндæвдад. Стыр хъусдард æрцыд «фæразæй уæвын профилактикæмæ» æнæрæстдзинад бинонты `рдæм.

Профилактикон куысты скъолатæ æмæ æндæр ахуыргæнæн уагдæттæ сты сæйрагдæр партнертæ. Ахуыртӕм цӕуыны фӕтыхджындӕр цӕстдард ахсджиаг у, уымӕн ӕмӕ прогулкӕтӕ арӕх свӕййынц ӕвӕгӕсӕг ӕмӕ социалон ӕнӕрӕстдзинады фыццаг сигнал.

Прокуратурæ нысан кæны, алы структурæйы куыст дæр хъуамæ уа куыд гӕнӕн ис, афтӕ ӕнгомдæр ӕмӕ мидисджындæр. Æнахъомтимæ профилактикон куыст домы ног гъæд - формализмыл къух сисын, ӕхсӕнуагдонон ӕмархайд фӕтыхджындӕр кӕнын ӕмӕ ӕцӕг фӕстиуӕгмӕ здӕхт уӕвын. Æрмæстдæр ахæм активон æмархайд, алкæцы цаумæ дæр лæмбынæг уæвын æмæ ситуацийæн æнæрлæугæ анализ кæныны фæрцы гæнæн ис æмæ уа æцæг ивддзинӕдтӕ ӕмӕ ӕнахъомты 'хсӕн фыдракӕндтӕй бахизын.

Дзауы районы прокуратурæ дарддæр дæр фæнд кæны ацы куысты эффективондзинад уæлдæр кæнын, сывӕллӕтты бартӕ хъахъхъӕнгӕйӕ ӕмӕ фыдракӕндтӕ фӕдзӕхсгӕйӕ.