Барадон ахуыргонддзинад фӕбӕрзонддӕр кӕныны ӕмӕ ӕнахъомты æхсӕн фыдракæндтæ цӕмӕй ма цӕуа, уый тыххӕй Цхинвалы прокуратурӕйы кусджытӕ сахары прокуроры уынаффæмæ гæсгæ, сӕйраг сахары мидхъуыддӕгты Управленийы кусджыты ӕрбакӕнгӕйӕ, уадзынц профилактикон лекцитӕ.

Лекциты сӕйраг темӕтӕ систы: "Ӕнахъом сывæллæтты административон æмӕ уголовон бӕрндзинад" ӕмӕ "Социалон хызты хи дарыны æгъдӕуттӕ".

Фыццаг лекцитæ уагъд æрцыдысты горӕты 1-ӕм ӕмӕ 10-ӕм иумӕйагахуырадон скъолаты ахуырдзаутӕн.

Лекциты рӕстӕджы скъоладзаутӕм лӕвӕрдтой фарстытӕ, кæцытыл ахуырдзаутӕ дæттой раст дзуаппытæ. Уый сбæлвырд кодта, лекциты темæтæ хорз кæй бамбæрстой.

Банысан кӕнӕм, Цхинвалы прокуратурӕйы кусджытӕ лекцитимӕ цӕудзысты ӕндӕр иумӕйагахуырадон уагдӕттӕм дӕр.