Басгӕрсты рӕстӕджы рабӕрӕг сты хӕлдтытӕ Республикӕ Хуссар Ирыстоны Закъон "Коррупцийы ныхмӕ тох кӕныны тыххӕй"-ы ӕмӕ Республикӕ Хуссар Ирыстоны Президенты Указы 2022 азы.

Республикӕ Хуссар Ирыстоны хъӕды хӕдзарады Управлени нӕ сарӕзта барадон акт кадрты службӕйӕн коррупцион ӕмӕ ӕндӕр ӕгъдаухалӕнтӕ профилактикӕйы бартӕ ӕмӕ функцитӕ дӕттыны тыххӕй, стӕй уыцы куыстӕн бӕрнон кусджытӕ дӕр нӕ сбӕрӕг кодта. Ахӕм хуызы æнæархайд халы Республикӕ Хуссар Ирыстоны Президенты Указы домӕнтӕ, закъон "Коррупцийы ныхмӕ ӕрлӕууыны тыххӕй" кӕй рауагътой, уый.

Республикӕ Хуссар Ирыстоны Президенты Указмӕ гӕсгӕ, паддзахадон оргӕнты разамонджытӕн сӕ хӕс у кадрты службӕтӕн дыууӕ мӕйы ӕмгъуыдмӕ аккаг бартӕ раттын, уыимӕ ӕфтиӕгты, исбоны ӕмӕ исбоны хӕслӕвӕрдты тыххӕй, паддзахадон службӕтӕ паддзахадон службӕгӕнджытӕй кӕй ӕвдисынц, уыцы бӕрӕггӕнӕнтӕ бӕлвырд сбӕрӕг кӕнын. Уыцы домӕнтӕ ӕххӕстгонд кӕй не 'рцыдысты, уый коррупцион фыдракӕндты профилактикӕйы мадзӕлттӕ ӕххӕст кӕныны фадат нӕ дӕтты; зын кӕны, цы хӕстӕ ӕвӕрд ис, уыдон ӕххӕст кӕнынмӕ куыд ӕмбӕлы, ахӕм цӕстдард.

Горӕт Цхинвалы прокуратурӕ басгӕрсты хатдзӕгтӕм гӕсгӕ бахаста бавдыст Республикӕ Хуссар Ирыстоны хъӕды хӕдзарады Управленийы хицаумӕ, цӕмӕй йӕм ӕвӕстиатӕй ӕркӕсой, цы халӕн митӕ рабӕрӕг, уыдон аиуварс кӕныны мадзӕлттӕ саразой, стӕй мӕйы дӕргъы саразой ӕмӕ скусын кӕной ӕмбӕлон нормативон акттӕ. Цы мадзӕлттӕ арӕзт ӕрцыд, уыдон фыстæй фехъусын кӕнын хъӕуы горӕт Цхинвалы прокуратурӕмӕ.