Ӕнахъомты æхсӕн барадон ахуырад фӕбӕрзонддӕр кӕныны ӕмӕ фыдракӕндты профилактикӕйы тыххӕй лекцитӕ дарддæр уагъд æрцыдысты Цхинвалы 2-ӕм астӕуккаг иумӕйагахуырадон скъолайы.

Фембӕлды рӕстӕг сахар Цхинвалы прокуроры ӕххуысгӕнӕг Сиукъаты Марат бӕстонӕй бамбарын кодта ахуырдзаутӕн, закъон чи халы, уыдон цы фӕстиуджытӕ баййафдзысты, куыд административон, афтӕ уголовон бӕрнондзинады фӕлгӕтты дӕр. Цӕвиттонæн æрхаста, барадхъахъхъӕнӕг оргӕнтимӕ йӕ цард бабæттынмæ чи хъавы, уыцы хистӕркъласонты сӕрмагонд хъуыддагыл административон ӕмӕ уголовон бӕрндзинад ӕвзӕрырдӕм кæй сахаддзӕн, уый.

Сӕйраг сахары мидхъуыддӕгты Управленийы кусӕг раргом кодта актуалон темӕ "Социалон хызӕгты хи дарыны æгъдӕуттӕ", бахахх кодта, виртуалон уавӕрты закъон ӕмӕ этикӕ ӕххӕст кӕныны ахадындзинад кӕй ис, уый.

Лекцитӕ ӕххӕстгонд цӕуынц горӕт Цхинвалы прокуроры уынаффӕмӕ гӕсгӕ ӕмӕ ныридӕгӕн арӕзт ӕрцыдысты цалдӕр иумӕйагахуырадон скъолайы.