Республикæ Хуссар Ирыстоны цытджын цæрджытæ!

Фæстаг рæстæг тынг арæх æмбæлынц ахæм цаутæ, æмæ Республикæ Хуссар Ирыстоны регистрацигонд хæдтулгæты хицæуттæ сæ хæдтулгæтæ Уæрæсейы Федерацимæ куы фæкæнынц, уæд архайынц Евразийы экономикон цæдисы иувæрсты ахизын.

Ахæм архайдтытæ канд нæ стратегион партнер – Уæрæсейы Федерацийы бюджетæн нæ хæссынц стыр зиан, фæлæ ма аразынц барадон проблемæтæ куыд хæдтулгæйы хицауæн (арæхдæр, УФ-йы æмбæстагæн), афтæ ма, ласт, ома, ввоз чи бакодта, уымæн дæр (арæхдæр, РХИ-йы æмбæстагæн). Цӕмӕй тӕссаг у "рӕстӕгмӕйы ласт" фехалын?

 

Хи пайда кæныны тыххæй транспортон фæрæзты рæстæгмæйы æрбаласт регламентгонд цæуы Евразийы экономикон цæдисы кодексы 264 уацмæ гæсгæ. Сæйраг уагæвæрд: æнæ илци бафидгæйæ хæдтулгæ æрбакæныны бар ис æрмæстдæр фæсарæйнаг æмбæстæгтæн иу азы æмгъуыдмæ (физикон удгоймæгтæ, кæцытæ не сты Евразийы экономикон цæдисы уæнгты паддзахæдты æмбæстæгтæ). Республикæ Хуссар Ирыстоны æмбæстаг Уæрæсейы Федерацимæ ацæугæ нымад у фæсарæйнаг адæймагыл. Практикæйыл æмбæлæм дыууæ хæлддзинадыл, кæцытæ расайынц уæззау фæстиуджытæ:

1. Æнæзакъонæй пайда кæныны бар

Рæстæгмæ ласыны домæнтæм гæсгæ, хæдтулгæ хъуамæ уа декларанты (РХИ-йы æмæбстаджы) фактон хицаудзинад æмæ пайдакæнынады. Уагхалынад: ахӕм хӕдтулгӕ ӕууӕнкӕй кӕнӕ æндæр хуызы УФ-йы æмбæстагмæ раттын, цæмæй дзы Евразийы экономикон цæдисы зæххыл пайда кӕна, у ӕнӕзакъон операци.

Бæрн: ахæм хæлддзинад домы административон бæрндзинад УФ-йы КоАБ-ы 16.24 уацы 2 хаймæ гæсгæ.

Санкци: декларантæн ивар 1500-2500 сомы онг хæдтулгæ байсыны гæнæнимæ.

2. Хӕдтулгӕйы ӕвӕлтӕрддзинад ӕмгъуыдмӕ

Рӕстӕгмӕ ӕрбаласыны ӕмгъуыд (1 азӕй фылдӕр нӕ) у арӕнӕвӕрд. Йӕ фӕуыны агъоммӕ хӕдтулгӕ кæнæ хъуамæ аласой Евразийы экономикон цæдисы арæнтæй, кæнæ та йæ сæрибарæй ауадзыны процедурæ, æрмæст хъуамæ илцион фиддонтæ иууылдæр фыст æрцæуой

 

Уагхæлд: хӕдтулгӕйы ӕвӕлтӕрд ӕмгъуыд фӕуыны фӕстӕ.

Бӕрн: административон бӕрндзинад ӕрцӕуы УФ КоАБ-ы 16.18 уацы 1 хаймӕ гӕсгӕ.

Санкци: декларантæн ивар 1 500–2 500 сомы онг транспортон фӕрӕзы конфискацийы гӕнӕнимӕ.

Таможнийы фиддонтӕ фидыны хӕс сӕвзӕрд

Уый у ӕппӕты ахъаззагдӕр финансон фӕстиуӕг, кӕцы хауы декларантмӕ: хӕдтулгӕ афойнадыл ласт куы нӕ ' рцӕуы, уӕд ӕм ӕвӕстиатӕй хӕс сӕвзӕры иумӕйаг таможнӕйы фиддон бафидыны тыххӕй (ИТФ), цыма хӕдтулгӕ ӕппынӕдзух пайда кӕнынмӕ ластӕуы, уыйау. Декларантмӕ (РХИ-йы æмбæстагмæ) ӕвӕстиатӕй сӕвзӕры хӕс УФ бюджеты раз. Уыцы суммӕтӕ сты критикон ӕгъдауӕй ахадгӕ.

Илцион фиддонты бӕрц, кӕцытӕ фидинаг сты, нымад цӕуы хӕдтулгӕйы кар ӕмӕ йӕ моторы гуырахстмӕ гӕсгӕ, стыр ставкӕтӕм гӕсгӕ, кӕцытӕ архайдтой ӕрбаласты рӕстӕг (Евройы кубон сантиметрмӕ), ахӕм формулӕмӕ гӕсгӕ:

ИТФ ≈ змӕлӕджы гуырахст (см3) × Ставкӕ € / см3

Аргъы ставкӕ, кӕцы загъд у Евро кубон сантиметрӕн (евр/см3) змӕлӕджы кусӕн гуырахст, у иумӕйаг таможнӕйы фиддоны сӕйраг хай (СТП) рог хӕдтулгӕтӕн, кӕцытӕ ласынц физикон удгоймӕгтӕ Евразийы экономикон цӕдисы бӕстыхаймӕ (ЕАЭЦ). Уый аразгӕ у хӕдтулгӕйы кар ӕмӕ моторы кусӕн гуырахстӕй. Цӕстуынгӕйӕ райсӕм ӕртӕ хӕдтулгӕйы.

Характеристикæ	1 дæнцæг: зæгъæм седан	2 дæнцæг: Hyundai Elantra	3 дæнцæг: Toyota Land Cruiser
Рауагъды аз / Æрбаконд	2012 аз / 2019 аз	2013 аз / 2020 аз	2017 аз / 2022 аз
Æрбаконды рæстæджы кар	7 аз (5 азæй фылдæр)	7 аз (5 азæй фыллдæр)	5 аз (3 азæй 5 азмæ)
Змæлæджы гуырахст	3690 см³ (3.5 л фылдæр)	1999 см³ (3.0 л цъусдæр)	3956 см³ (3.5 л фылдæр)
Бахыгъд ИТФ (Евро)	21 033 Евро	6 996 Евро	14 637 Евро
Æввахс аргъ сомты	1 490 000 соммæ æввахс	630 000 соммæ æввахс	950 000 соммæ æввахс

 

Уæ хъус æрдарут: ацы финансон хӕс сӕвзӕры декларантмӕ (РХИ-йы æмбæстагмæ) ӕрбаласыны уавӕртӕ халыны рӕстӕг, ӕмӕ сӕрмагондӕй дæумæ УФ-йы Таможнӕйы службӕ бадӕтдзӕн домӕн уыцы ӕхца бафидыны тыххӕй!

Уголовон бæрндзинад: арæнты фиддонты ахизын

Æппæты ахъаззагдæр фæстиуæг у хæдтулгæйы хицауыл потенциалон уголовон фæдæвзарæн (арæхдæр, УФ-йы æмбæстаг), кæцы æрымысы ацы схемæ.

Хæдтулгæ Уæрæсейы Федерацийы территорийыл куы баззайы, уæд сæвзæры иумæйаг таможнæйы фиддон бафидын хæс.

Кæд æмæ таможнæйы фиддонты бæрц 2 милуан сомæй фæфылдæр вæййынц, уӕд ӕнӕзакъон ӕрбаласт гæнæн ис æмæ квалификацигонд ӕрцӕуа, УФ Уголовон кодексы 194 уацы рагзагъд таможнӕйы фиддонтӕ фидынӕй хи фӕсайыны кӕныны хуызы.

Ахæм уагхалды тыххæй гæнæн ис æфхæрд уа суанг ахæстоны онг. Сæйраг тас: конфискаци æмæ финансон зиæнттæ.

"Рӕстӕгмӕйы ӕрбаласт ӕууӕнчы фӕрцы"-йы схемӕтӕ ӕфтауынц финансон тасдзинад дыууӕ архайӕгӕн дӕр: РХИ-йы æмбæстагæн (декларантӕн): ды УФ-йы таможнӕйы оргӕнты раз персоналон бӕрндзинад хӕссыс, ӕууӕнчы гӕххӕтт дӕм куы уа ӕмӕ дӕ бадзырдтӕ хицауимӕ куы уой, уӕддӕр. Гӕнӕн ис, ӕмӕ дыл ӕвӕрд ӕрцӕуа ивартӕ, стӕй домӕн, цӕмӕй дын бафидой таможнӕйы фиддонтӕ иууылдӕр. УФ-йы æмбæстæгтæн (хицауӕн): ӕппынфӕстаг, гӕнӕн ис, ӕмӕ фӕцух уай, тӕрхондоны уынаффӕмӕ гӕсгӕ административон кӕнӕ уголовон ӕгъдаухалӕны хуызы ист чи 'рцӕуа, уыцы хæдтулгæйæ. Уыцы уавӕры ӕппӕт хӕрдзтӕ дӕр, суанг ма декларантӕн цы хӕрзиуӕг фыст ӕрцыд, уый дӕр, ӕнӕбӕрӕгӕй фесӕфдзысты. Сахар Цхинвалы прокуратурӕ сиды Республикæ Хуссар Ирыстоны цӕрджытӕм: закъоны иувӕрсты ахизынӕн инструмент ма суат ӕмӕ уӕ сӕрибардзинад ӕмӕ мулкӕн тас ма уа, пайдайы тыххӕй хӕдтулгӕтӕ рӕстӕгмӕ ӕрбаласыны тыххӕй дызӕрдыггаг бадзырдтыл разы уӕвгӕйӕ. Фидаргонд ӕгъдӕуттӕ ӕххӕст кӕнын у уӕ барадон ӕдасдзинады гаранти.

Кӕд дӕм ацы уацы фӕдыл фарстытӕ ис, кӕнӕ ахӕм уавӕримӕ сӕмбӕлдтӕ, уӕд дӕ бон у горӕт Цхинвалы Прокуратурӕмӕ консультацимӕ бацӕуын.