Ленингоры районы прокуратурæ бакодта уголовон хъуыддаг амарыны статьямæ гæсгæ. Ленингоры районы Армазы хъæуы цæрæг Чертхъоты Алан рахызт хæдзарæй 13 марты æмæ нал æрбаздæхт. Адæймаг фесæфыны фæдыл хъусинаг æрбацыд районы мидхъуыддæгты хайадмæ Чертхъоты Аланы сыхаг сылгоймагæй.

Оперативон-сгарæн мадзæлтты рæстæджы сбæлвырд кодтой, Чертхъоты Алан 13 марты йæ хæдтулгæйыл кæй раскъæрдта Армазы хъæуæй Ленингор – Цхинвал фæндаджы рдæм. Уыцы бон йын йæ хæдтулгæ ссардтой Армазы хъæумæ баскъæрæны, нæлгоймаг йæхæдæг та фесæфт æмæ абоны бонмæ дæр нырма нæ разынд.

Чертхъоты Аланы Хуссар Ирыстоны æмбæстаджы паспорт ссардтой йæ хæдзары.

Цауы фæдыл Ленингоры районы прокуратурæ бакодта уголовон хъуыддаг амарыны статьямæ гæсгæ.