Ленингоры районы прокуратурӕйы кусджытӕ сарӕзтой, рӕзгӕ фӕлтӕры ӕхсӕн АУЕ-йы пропагандӕ цӕмӕй мауал цӕуа, уый тыххӕй къорд ахуырадон мадзалы. Фембӕлды рӕстӕг Ленингоры, Икъоты, Цъинагары ӕмӕ Орчъосаны скъолаты астӕуккаг ахуырадон уагдӕтты ахуырдзаутӕн фехъусын кодтой, криминалон субкультурӕ ӕмӕ ахӕстоны "ӕмбарынӕдтӕ" пропагандӕ удгоймаджы халӕн фӕндаг кӕй у, уый.

Скъоладзаутæн бамбарын кодтой, ӕнахъомты цæмæн разæнгард кæнынц фыдракӕндты архайдмӕ, цавӕр фӕстиуджытӕ расайы, стӕй куыд хъуамæ дарой сæхи, куы бахауой ахæм уавæры.

Ахуырдзаутӕн бамбарын кодтой, ахӕстон "царды скъола" кӕй нӕу, хатгай йӕ фӕсивӕдæн фыдгӕнджытӕ куыд фӕамонынц, афтӕ, фӕлӕ у ахуыр ӕмӕ карьерӕйы рӕзтӕй цухдзинад, бартӕ къуындӕг кӕнын, цард халынмӕ ӕмӕ ахъаззаг физикон ӕмӕ психологон фӕстиуджытӕм чи кӕны, ахӕм бартӕ.

Фембæлды кæрон прокуратурæйы кусджытӕ дзуапп радтой скъоладзауты фарстытӕн, бамбарын сын кодтой царды алыхуызон уавӕрты архайды фӕтк ӕмӕ сын раргом кодтой пайдайаг информаци, цӕмӕй фыдракӕндтӕй хызт уой.