Ленингоры районы прокуратурæ сæххæст кодта 2026 азы дыккаг æмбисæны куысты пъланмæ гæсгæ прокуророрн басгӕрст, æмæ сбæлвырд кодта, арендатортæ бæстыхæйттæй, арæзтæдтæй æмæ æнæцæрæн бæстыхæйттæй пайда кæныны тыххæй барадон домæнтæ æххæст куыд кæнынц, уый.
Басгӕрсты куыд рабӕрӕг, афтӕмӕй Ленингоры районы Администрацийы 2012 азы 1 январӕй 2026 азы 1 октябрмӕ паддзахадон исбоны агъуыстытӕ, амаддзӕгтӕ ӕмӕ ӕнӕзӕхх агъуыстытӕ аренды лӕвӕрд ӕрцыдысты 14 физикон ӕмӕ юридикон удгоймагӕн.
Афтӕ, хицӕн хаццонтӕ нӕ ифтонг кӕнынц, цы мулк сӕм радтой, уымӕй йӕ нысанмӕ гӕсгӕ пайда кӕнын. Уымӕй уӕлдай, арендатортӕ дӕргъвӕтин рӕстӕг сӕ хӕстӕ нӕ ӕххӕст кодтой хаццоны фиддон бахӕссыны тыххӕй, ӕмӕ уыцы фæстиуæгæн æрæмбырд ис хæс Республикæ Хуссар Ирыстоны паддзахадон бюджеты раз.
Паддзахадон исбоны ӕмӕ зӕххы ӕмахастыты Комитеты бӕрӕггӕнӕнтӕм гӕсгӕ, 2026 азы 1 октябрмӕ æнæфидгæ арендæйы фиддонты иумæйаг бæрц у 1 526 819 сомы.
Ленингоры районы прокуратурӕ басгӕрсты хатдзӕгтӕм гӕсгӕ Ленингоры районы Администрациймæ арвыста прокуророн бавдыст, Республикӕ Хуссар Ирыстоны Граждайнаг кодексы домӕнтӕ ӕмӕ ӕндӕр нормативон барадон акттӕ кӕй сбӕрӕг кодтой, уыдон аиуварс кӕныны тыххæй.